憑實力得到嘅禮物丨賴弘國贈信用卡任碌最終嚇到收番 阿嬌拒交還禮物予前度：憑甚麼？

阿嬌鍾欣潼離婚後第一次參加真人騷《怦然心動20歲》，製造咗唔少話題，繼佢突然暴肥亮相節目成為焦點後，情史豐富嘅佢講起兩性話題時爽快直率嘅表現都令大家非常驚喜。

{{hket:inline-image name="pIqm68YUmDHR-YUMrGHriiWO6-xt2SHSrSpyg60qcoM.jpg"}}{{/hket:inline-image}}

《怦然心動20歲》是一個旅行社交真人騷，聚焦20歲畢業生群體，邀請10位年輕人開展一段畢業旅行。而幾位嘉賓阿嬌、寧靜、李希侃、楊芸晴在室內觀察他們之間的相處，從他們的戀愛以及成長經歷中，分享自己的故事和做人態度。日前一班年輕人討論到「前任送的禮物」時，幾位嘉賓對「前任送的東西是留下來還是扔掉」呢個問題各抒己見。

阿嬌毫不修飾咁講出自己嘅見解：「看看有多貴！如果是房子更加不會，住著吧！」仲自爆曾經有前度問佢拎番禮物，但阿嬌話：「我沒給！憑甚麼要我還？我也送不少呀！每個人都應該有一些回憶吧。就算放在家中也不討厭那個東西。」節目後她還在微博發文，「關於前任送的東西，我想說，每一件物品都代表著一段珍貴的回憶，即使兩個人沒有在一起了，但東西也不會隨隨便便扔掉，該處理的是感情，而不是物品。」

（點擊圖片放大）

阿嬌呢番言論唔做作又理性，有網民仲話佢唔爆「金句」嘅時候講嘢有紋有路！而佢呢番言論亦令網民諗起佢前夫賴弘國，二人未離婚時曾一齊上綜藝節目，賴弘國指婚後豪邁地任老婆「碌信用卡」，但收到付款短訊時「真的倒抽了十口氣」，他說︰「她去了一天百貨公司之後，我在家看到刷卡通知一直傳來，就跟她說以後卡還是放我這好了！」阿嬌事後都話自己送咗隻錶畀老公，唔知呢個要求交還禮物嘅前度係咪就係賴弘國呢？

另外，阿嬌喺內地出席藝人賈乃亮火鍋店活動時，就被網民「野生捕獲」並將冇濾鏡短片放上網，令佢嘅肉肉無所遁形！片段中的阿嬌穿上黑底大花長裙，身材好似一個水桶咁，睇唔到腰線！背、屁股都好厚肉，唔少網民都話唔認得，話睇落有啲似Madam姐盧宛茵！