向海嵐搞珠寶生意自己做生招牌 受疫情打擊勁銷情慘淡積極改革

藝人向海嵐（Anne）三年前與朋友合共投資七位數字，於中環開設翡翠珠寶店，日前她接受香港開電視主播馬梓軒專訪，分享當初決心做珠寶生意的原因，Anne表示：「其實做珠寶真係一個機緣巧合，最初冇諗過！當初我識咗一個朋友，佢父親嗰輩開始已經做翡翠生意，後來佢話不如試吓合作，叫我擔任類似代言人嘅角色，慢慢傾落發現大家好投契！一方面佢又做設計，又咁啱遇到中環呢個舖位，覺得好適合，於是就下定決心實行！」

{{hket:inline-image name="6.jpg"}}{{/hket:inline-image}}

Anne透露店舖開業半年已經回本，可是疫情令生意面對前所未有的打擊，她謂：「可能一、兩個月先有一單生意，因為疫情高峰期真係冇人出街購物，加上冇晒所有宴會、派對等喜慶場合，所以係一個幾大嘅難關！當時都只能夠要求業主減租，慶幸我同拍檔都比較有正能量，於是我哋都開始諗改革，努力做網上平台，同埋構思一啲新穎嘅設計吸引顧客！」

（點擊圖片放大）

即使面對難關，依然無減Anne繼續做珠寶生意的決心，皆因過程中令她很有滿足感，「我覺得做珠寶係一件令人好開心嘅事，因為每一個客人入嚟買嘢，一定係因為有開心事而幫襯！而且我覺得珠寶係好長遠嘅，可能好多人會將珠寶一代傳一代，好有傳承意味！」

2008年Anne毅然選擇告別娛圈，拋下一切到上海過起朝九晚五的OL生活，直至2015年重返幕前，先後參演過內地電視劇，主持過清談節目，亦演過舞台劇等；TVB亦曾找她拍劇，不過因為檔期、時間無法配合而告吹。