體驗拾荒者生活｜鄭中基上水執紙皮日賺61.2元 「任何一種職業都值得被尊重」

鄭中基建立的網上個人頻道《機動電視台RTV》，近日應邀去體驗拾荒者的生活，跟黃婆婆到上水執紙皮，落手落腳在大型垃圾桶內搵紙皮，就算內裡有碎玻璃也不怕危險，絕無扭擰繼續去整，最後這批紙皮成功賣得61.2元。鄭中基無奈表示：「係想話畀大家聽，婆婆執紙皮呢個工作，真係一個工作，同埋係好辛苦﹗」

{{hket:inline-image name="05032008.jpg"}}{{/hket:inline-image}}

{{hket:inline-image name="05032005.jpg"}}{{/hket:inline-image}}

鄭中基雨中開演唱會未減氣氛 音響兩度失靈 妻女台下打氣呵番【下一頁】

鄭中基這次化身節目主持人「龍威」，拍攝名為《一日職業體驗》的環節，跟黃婆婆體驗如何做個拾荒者，見到黃婆婆的手推車經過精心設計，擁有剎車、防盜、摺疊式支架及警示閃燈等功能。鄭中基和黃婆婆集合後就出發去搵紙皮，在大型垃圾桶內搵紙皮，就算紙箱有碎玻璃，都只是花少許時間清理，未有嫌污穢或怕𠝹手；見到地下近8、9呎長的紙箱，即搬到後巷處理。

鄭中基看起來很快熟手，用腳踏平紙皮再放到手推車上，他笑說：「我都𠝹過幾個暑假，喺貨倉做過暑期工，呢啲梗係畀晒暑期工做，哈哈哈﹗」他之後在街頭繼續𠝹紙皮，𠝹出合適大細，方便疊起來運送到回收商。

鄭中基後來到黃婆婆家中做訪問，他說：「好多朋友見到人執紙皮，覺得唔係一種工作，其實我好想話畀大家聽，係其中一種工作，唔係婆婆佢哋去執嘅話，就一路堆堆堆堆…。」黃婆婆指很早前試過停收紙皮一個星期，結果2日後就出事，上水某些地方變成「紙皮山」，堆起來十足垃圾站。

提到有人曾將垃圾放在手推車上，黃婆婆氣憤表示：「我睇住佢掉落去，我問佢仲咩掉垃圾，佢話你係執垃圾，我話我唔係執垃圾，係執紙皮，你啲垃圾唔應該掉落我度，嗰度有垃圾桶，你整污糟我啲紙皮唔賣得喎﹗」而最令人意想不到的，就是黃婆婆的手推車疑似被人放火燒過，她說：「嗰啲人話，梗係有人掉煙頭落去，我話煙頭有乜理由要消防員嚟救火？就算係一口煙點著，都唔會咁大火喎﹗」

Gary Tong唐奕聰離世│環球FB急推太極專輯被轟發死人財 鄭中基激動爆粗鬧爆冇人性【下一頁】

鄭中基最後對鏡頭表示：「係想話畀大家聽，婆婆執紙皮呢個工作，真係一個工作，同埋係好辛苦﹗」黃婆婆哽咽說：「我想同大家講，雖然我哋係執紙皮，係拾荒者，但都係一個工作，希望市民尊重吓我哋行業，唔好咁睇小我哋…我哋都係靠雙手，好多人都叫我攞綜援，我話我仲有雙手，我執到、兩餐幫唔到，係真嘅，只幫到一餐，而家生活指數咁貴，兩餐一定幫唔到﹗」鄭中基在旁即輕拍婆婆，並應承下次再入來陪她。

最後字幕打出鄭中基及其團隊的感受：「同黃姐度過咗一日，最大嘅感受係佢不單止冇一刻睇唔起自己嘅工作，仲非常尊重，每一塊大大小小嘅紙皮都好珍惜。一個城市，每個人都有自己嘅崗位，任何一種職業都值得被尊重。」

（↓點擊放大睇圖片↓）

對於鄭中基這次落區體驗，感動到不少網民留言：「婆婆講到喊果到（嗰度），睇到我一個大男人都喊埋，呢個唔係感動，係傷感。點解呢個社會既（嘅）老人家服務左（咗）社會咁多年都得唔到好既（嘅）對待？」、「職業無分貴賤。無論咩職業，只要認真工作既（嘅）人，都應該被尊重﹗」、「多謝你，暖男龍威！為香港基層市民發聲，感動！好人一生平安！」、「鄭中基拾紙皮，貴為富二代咁有心，真係無嘢好講，讚﹗」、「好有心嘅節目呀！多謝龍威團隊！！」、「係（喺）香港60歲以上，出黎（嚟）搵工好難搵，其實而家80歲D（啲）公公婆婆都好精靈。」、「所謂拾荒者，其實係環保前線員工。」、「所有用自雙手及勞力賺取每一分既（嘅）人都應該受到尊重」及「大佬真的由無賴變為暖男了」等。

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】