緣來自咖啡2丨馬浚偉最擔心鍾嘉欣受委屈 自命「潮州大哥」視保護契妹為使命

馬浚偉先後製作兩輯清談節目《緣來自咖啡》，親自構思、策劃並擔任主持，邀請不同界別嘅知名人士出任嘉賓，轉眼間《緣來自咖啡2》亦已到尾聲，壓軸嘉賓請嚟馬仔契妹、人見人愛嘅鍾嘉欣，節目將於5/5（星期三）晚上十一時於myTV SUPER播出。

{{hket:inline-image name="4.jpg"}}{{/hket:inline-image}}

馬仔在圈中有三位特別疼愛、份外關注的妹妹，鍾嘉欣就是其一，他說：「陳法拉、楊怡從來不用我擔心，因為佢哋夠堅強，懂得照顧自己，但嘉欣之所以令我既疼愛又擔心，在於不太會保護自己，乜嘢事都收收埋藏，就算受到委屈、面對不公，都唔夠膽去為自己爭取、去拒絕他人！我2004年認識嘉欣，睇住佢入行、長大，同佢有一份特別嘅緣份，呢種親密緣份不能解釋也不需要解釋。以前睇到佢經常受委屈唔出聲，若果我知道嘅就會盡力幫佢。我係潮州大哥，實在睇唔過眼人哋欺負我疼愛嘅人，一直鼓勵佢大膽講出嚟，使乜嘢驚呢！」

阿哥的關懷體貼，嘉欣銘記於心，一直希望參與他的節目拍攝，她表示︰「真係太忙，拍劇時間緊迫，婚後又多在外地，總是錯失支持阿哥嘅機會；作為妹妹，無論佢做乜嘢，我一定親身支持！今天能夠同阿哥做節目、傾偈，好開心，非常感恩。」

（點擊放大睇圖片）

嘉欣覺得馬仔哥哥近年有種不能言喻的轉變，他除了不斷增值自己之外，多添一份不能用文字解釋的愛，「佢沖咖啡時真係好享受，對咖啡充滿愛，令我品嘗時感受到佢嗰份分享、互相聯繫之感。（喺佢面前我可以好放鬆自己，可以做番傻乎乎嘅嘉欣……呢種感覺……非常感恩，係一種不能解釋嘅喜悅！入行十幾年仍能夠同阿哥保持呢種關係，係上天賜畀我嘅禮物。」

兩兄妹難得碰頭，有説不盡的話題，馬仔欣喜嘉欣已為人妻，她開心了，容光煥發，心靈上成熟了堅強了，懂得為自己努力爭取，既保護自己，更有責任保護丈夫、孩子、家庭。「佢真係可以令我安心，希望佢繼續努力，唔好浪費天父賜予佢嘅才華。未來有更多好作品，我哋兩兄妹能夠有更多不同渠道嘅合作。」