愛回家│三太被大龍生冷落誤撻廚神情郎？ 亞視港男梁皓楷孖樊亦敏有火花

現年42歲、因參與1998年亞視《香港男士競選》而入行的梁皓楷（Jerry），昨晚（29號）閃現無綫熒幕，擔任處境劇《愛回家之開心速遞》單元「肥娥有人爭」的男主角Pierre，跟「大龍生」羅樂林爭「三太白天娥」樊亦敏，實質是想報復大龍生令他無職升。梁皓楷在鏡頭前表情多多，更和樊亦敏以《人鬼情未了》經典甫士煮餸；單獨一人時又展露出其奸詐性格，讓大龍生食他的加料牛扒。

{{hket:inline-image name="04302015.jpg"}}{{/hket:inline-image}}

{{hket:inline-image name="04302007.jpg"}}{{/hket:inline-image}}

【獨家】《愛回家》大小姐現身熊家幫爸爸執行李 三太曬相劇透大龍生將重奪接龍？【下一頁】

梁皓楷於1998年參加有「港男」之稱的《香港男士競選》，是當年10位入圍參賽者之一。他騎呢方面不及有「震波黎明」稱號的陳錫文，外形則稍遜於冠軍戴展國，最終五強不入。梁皓楷落敗後加入亞視，首個節目演出是整蠱節目《好玩十兄弟》，之後曾參與不少劇集演出，期間被馬會睇中，主持《馬上全接觸》；至2009年亞視陷入財困，奧運節目完結後他選擇離巢外闖。他亦曾參與過不少港產大片，在《無間道》、《寒戰》及《使徒行者》等電影中都見到其身影；同一時間亦有參與製作及拍攝工作，去年ViuTV的劇集《打天下》及《地產仔》亦有他份。

梁皓楷今日接受《晴報》訪問，透露去年6月簽約邵氏，而今次已不是首次參與《愛回家》，「送花又有，又做過日本餐廳老闆，跟大龍生傾生意又有，始終個劇千幾集，有啲角色要人去做。（覺得今次演成點？）可以再好啲，唔同以前做電影咁樣。會儘量去摸索，要靠導演幫我開竅，（佢）叫我放啲。Amy（樊亦敏）又好好人，現場問可唔可以郁我，大家多咗互動火花。（過足戲癮？）算係，真係好玩，記得高佬（袁文傑）打嚟問我係咪畀咗錢，竟然有個咁好玩嘅角色，仲叫我做好啲，唔係唔放過我添！」

《愛回家》龍家三太煲湯背後原來打得又唱得 樊亦敏演江湖大嫂搞到周身瘀【下一頁】

至於之後再有甚麼演出，他指在《黯夜守護者》、《雙生陌生人》及《十八年後的終極告白2.0》等劇集中，有機會演出小角色，「慶幸監製及導演會找我飾演一些高大、差佬及富家公子角色。（有冇興趣再做主持？）而家喜歡做戲，覺得幾好玩，當然有得做就做。」他亦希望有機會跟昔日亞視同事陳煒、袁文傑、蔡國威及秦啟維等，在鏡頭前來一次鬥戲。

（↓點擊放大睇圖片↓）

梁皓楷坦言去年受疫情影響，幕後拍攝工作近乎零，個人收入大跌，要靠老本維生，「其實多得高佬意見，叫我嘗試入邵氏工作，話點都有幾組戲開工，於是再透過舊同事幫助；而樂小姐（指樂易玲）又肯簽我，於是咁就加入呢個大家庭。」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】