居住問題｜地產經紀「社工」上身 幫租客要求減租兼設免租期 業主一個原因拒絕反被罵

即使「心頭高」，都應視乎自己能力「睇餸食飯」。一名業主於網上發帖大呻，指自己近日將名下物業出租，獲均有工作證明的一家三口答應租用；惟簽約前一日，對方卻拜託地產經紀要求減租及設免租期。事主拒絕後，竟被「社工上身」的地產經紀反罵「你咁都唔幫吓佢哋」，令他大感無奈。

該名業主上周六（24日）在「香港討論區」以「放租遇到個社工地產代理」為題發帖，指日前獲地產經紀告知，有一家三口欲租下其單位，「一家三口，個個有工作證明，願意用我的出租價租我單位。」

未料在簽約前一日，地產經紀卻幫租客致電事主，要求減免100元租金及設15日免租期，原因是「因為佢哋有困難」，「佢哋要買傢俬，現在的傢俬係業主嘅，佢哋要交一個月租畀現業主。」對此，事主大感無奈，回應道：

「連買傢俬都手緊，將來是但一個人無工作，點交租？我而家唔租畀佢喇！」

事主又向地產經紀指出，同屋苑尚幾個租金較低、附有傢俬的單位出租，建議對方一家三口租用。未料，地產經紀十分生氣，反罵事主：「佢哋鍾意你間屋個景吖嘛！免租期改兩個星期啦，你減100蚊，你咁都唔幫吓佢哋！」事主聽後表示：

「佢哋唔睇餸食飯，無人幫到佢哋！」

事主續指，其物業位於地鐵站上蓋，裝修靚、窗外景觀絕佳；拒絕該地產經紀的要求後，一日後已透過另一個地產經紀將單位以更高價錢租出，

「我個單位放租一個星期，已經租出，因為係全個屋苑同時放租，同樣面積的單位，最靚的景觀（東南向海）。」

此事引來網民熱議，不少人贊同事主做法，認為如果租客連100元都要「壓價」，一旦租給他們的話，隨時會欠租變「租霸」；至於地產經紀若然如此大愛，倒不如自行免佣，無條件免費幫助該一家三口：

（↓點擊圖片放大↓）

13年前賣樓賺過百萬，夫婦嘆「落錯車」捱貴租頻搬屋，每日望樓市雙雙患抑鬱，詳情即睇：【下一頁】

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

每朝索取《晴報》：精明生活．健康家庭．開心娛樂

責任編輯：李凱晴