零死角阿嬌丨鍾欣潼暴脹被指似向太加盧覓雪 肥到無頸顏值撐住網民讚Kawaii

阿嬌鍾欣潼近年多數時間都喺內地工作，除咗拍劇之外，仲不時參與綜藝節目，日前真人騷《怦然心動20歲》正式發預告，由寧靜、阿嬌、楊芸晴、李希侃擔任常駐嘉賓。《怦然心動20歲》係一個旅行社交真人騷，聚焦20歲畢業生群體，邀請10位年輕人去畢業旅行，而幾位嘉賓就觀察呢10位學生，再分享自己嘅故事。

{{hket:inline-image name="001Tl0H7ly1gpz94cux2kj60a10deabg02.jpg"}}{{/hket:inline-image}}

阿嬌亦喺自己嘅微博為節目宣傳，為自己「第2個」20歲寫下感言：「記得20歲時，作為一個新人，懵懵懂懂，誤打誤撞成為了Twins的一員，一轉眼，都已經出道20年了，人生沒有幾個20年，時光不可以倒轉，『新的20歲』我學會了珍惜當下的每一刻，也會繼續出發尋找未來精彩的每一刻。」

{{hket:inline-image name="001Tl0H7ly1gpz94cmqnbj60u01hcqfu02.jpg"}}{{/hket:inline-image}}

阿嬌預告片中透露自己好鍾意睇相睇節目，情情愛愛，笑言「等著他們翻臉」，阿嬌仲分享自己「睇男人」嘅「心得」：「男生，談過多少次戀愛，可能1次，他會說5次，會把事實加倍。」主持人問及阿嬌：「重返20歲你會對當時的自己說甚麼？」，阿嬌不假思索地回答：「好好做人。」阿嬌一邊搖頭一邊講：「發生了很多事……」但隨即欲言又止。

令人不禁諗到2008年阿嬌捲入「不雅照事件」，導致事業一落千丈，停工一年後才正式復出，慢慢走出陰霾。今年40歲的阿嬌2001年同蔡卓妍（阿Sa）以組合TWINS出道，影、視、歌三棲發展，紅遍兩岸三地，與90後共同成長，廿年過去，阿嬌嘅零死角靚樣至今仍然咁襟睇。

（↓點擊放大睇圖片↓）

不過預告中最令人震驚嘅係阿嬌嘅身形。扎起丸子頭嘅阿嬌，塊面非常圓潤，身形暴脹到冇頸，膊頭仲好橫，就咁睇仲以為係改圖呀，令人唔敢相信自己眼睛。唔少網民話依家嘅佢有啲似向太陳嵐同埋盧覓雪，不過樣睇落就好似幾開心，仲話佢嘅顏值撐得住，就算肥咗，都因為佢有靚靚嘅五官而覺得佢非常Kawaii，靚女真係大晒㗎！

{{hket:inline-image name="0eeadcc7c45884bf59d796ad8749cb63.jpg"}}{{/hket:inline-image}}

好姊妹阿Sa都有幫阿嬌解釋：「其實佢好健康，只係荷爾蒙失調。」被問到有冇提阿嬌注意身形，阿Sa就話：「始終都係女仔嚟，呢啲嘢唔講太多，驚畀到壓力佢，最緊要係開心同健康。」阿Sa又乘勢拉fans落水：「我有兩年冇見fans，見到有位fans肥咗好多，我就瘦番晒，褲頭都鬆埋。」