好人好事｜輪椅白髮翁連截7架的士遭拒載 幸遇暖心司機接載扶上落車

行動不便人士出入困難多，日前屯門一名輪椅白髮翁欲截乘的士前往睇醫生，卻接連遭最少7名的士司機拒載，幸獲兩名熱心街坊協助截車，終於遇到一位年輕的士司機，對方更熱心地落車協助輪椅客登車。有份幫手的街坊坦言，希望的士司機可體諒殘障人士，互相幫助。

該名屯門街坊本周二（27日）在Facebook群組「真. 屯門友」發帖分享一則好人好事，指當日早上他於上班途中，目睹一男士推著一名白髮輪椅人士，在的士站候車。由於的士站前有數輛的士正在等客，看見此情況令事主不禁疑惑「幾架都唔上車？」他遂上前詢問是否需要幫忙；該名男士坦言自己也是路過，停下協助輪椅翁截的士，前往華都商場看醫生，但連續好幾輛的士拒絕接載，

「因為落車時只有叔叔一人，要司機幫手打開輪椅扶叔叔落車。」

↓ 點 擊 圖 片 放 大 ↓

有見及此，事主決定協助截的士，未料再有6、7輛的士駛過都不願接載。直至一位年輕的士司機駛近，不但一口答應，甚至「落手落腳」幫助該輪椅客上車。該名司機的熱心令事主大為感動，並希望大家能互相幫助，

「我都明白啲司機唔係一定要幫手，但見到一個坐輪椅叔叔，如果佢自己搞得掂就唔使求人啦……希望大家互相幫助。」

網民建議：可以預約輪椅的士

帖文發布後，獲逾千網民激讚，不少人表揚該年輕司機，並感謝事主的熱心幫忙「好人有好報」。

↓ 點 擊 圖 片 放 大 ↓

另有網民則感同身受，分享自己一次經歷，指曾推著坐輪椅的家人等的士到醫院複診，卻屢遭司機無視，形容「係街等的士，見住幾架的士直走唔停低」；有人則替的士司機發聲，表示：「有時唔幫得咁多，始終如果冇學過點扶輪椅客，真係受傷嘅大家都唔想」。有網民建議可預約輪椅的士，既能更快更方便上到車，並可整架輪椅推上車，減低受傷風險。

好人好事｜輪椅老翁搭的士女兒欲畀附加費 老實司機婉拒獲一個暖心舉動答謝，詳情即睇：【下一頁】

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

每朝索取《晴報》：精明生活．健康家庭．開心娛樂

撰文：林幸琦