前無綫主播│鄭萃雯親解當年報新聞落淚真相 被叫錯盤翠瑩當場失笑認欠專業

前無綫新聞主播鄭萃雯近日接受香港電台主持彭晴和彭詠儀（Morle）的節目《敏感時刻》訪問，大談她以往做主播時的蝦碌經歷和家庭生活。

鄭萃雯2011年與無綫新聞部的攝影師潘國輝結婚，婚後誕下一對孖仔。2017年她離開主播枱，先後轉職擔任公關和主持網台的工作。

【感情深厚】張文采同好友開party慶生 昔日TVB新聞主播近況逐個數【下一頁】

{{hket:inline-image name="a91a2c4b-e37a-41e9-8ef5-813e0ebaadf0.jpg"}}{{/hket:inline-image}}

{{hket:inline-image name="23215504_662070420850398_4257241621190511171_o.jpg"}}{{/hket:inline-image}}

主播工作對不少人而言都有一個光環，鄭萃雯表示從中四開始立志做記者，因當年發生周刊刊登劉嘉玲裸照事件，中文老師和學校都有就此事談到新聞道德和公眾知情權，她大感興趣，所以努力考上新聞系。她表示在實習期間總採主邀請她去試鏡，當時無綫24小時新聞台有空缺，所以直接獲聘請做主播。

她表示 :「講到底我都係想做記者，就算做咗主播之後，每年做工作考評時我都問可唔可以轉番做記者。我講足4年，期間又會主動去港聞或者中國組幫手。我想了解成個新聞部運作，唔想淨係最後關口先負責演繹出嚟，好彩最終老細畀我轉去港聞組。」做主播的4年來都沒有白過，學到很多東西，亦為現時的工作打好基礎。

主持人彭晴提到鄭萃雯主播生涯的三大趣事，讓她逐一解釋回應，其中2010年一次財經新聞報道上，鄭萃雯竟在鏡頭前流淚！不少網友熱烈討論，猜想她可能股票輸得太慘烈所致。鄭萃雯直言自己是極度需要安全感的人，好怕不穩陣，所以幾十歲人都沒有買過六合彩和股票，「其實因為廠入面啲燈好曬好熱，成張主播枱又放滿晒嘢，都係化妝袋.......休息時要滴眼藥水滋潤一下，一滴完原來導演唔記得咗提我只剩3秒鐘，我當然第一時間將主播枱枱面上啲嘢掃晒落地 ! 咁就趕唔切抹走眼藥水。」

而2014年的《香港早晨》，拍檔林小珍錯叫鄭萃雯做盤翠瑩，兩人失控狂笑，她說 :「呢件事可以話係我唔啱，專業主播唔應該笑，導演幫我哋好多，佢即時用咪鬧我，我就即刻冇再笑過。」

而最後一件則是2017年新聞報道，鄭萃雯在天文台科學主任講解颱風時，忘記關咪，漏出一句 :「哎呀，打風喇，過咗香港......」她再自爆其實不止三件趣事，曾經錯讀六合彩中獎號碼，幸好即時更改，未有被「照肺」。

（↓點擊放大睇圖片↓）

【繼曹星如之後...】伍家謙請來星級「陪月」照顧龍鳳胎 鄭萃雯為家庭辭主播專心湊孖仔【下一頁】

鄭萃雯表示自己跟丈夫在工作上「撻著」，不過拍拖期間刻意避開合作，直至兩個小朋友出世，她就決定離開新聞部。「本身好鍾意做記者，唔係因為有小朋友，我係唔會離開呢個行業。頭一年冇工人，我哋又要返工，中間失去好多見證佢哋第一次嘅機會，包括第一次轉身、第一次叫媽媽、第一次行路等等。每失去一次，我就好唔開心，好想追番同佢哋一齊嘅時間，特別係第一次學行。我採訪『甚麼是快樂？』時去到外地，有個儀式係慶祝小朋友學行，我由頭喊到尾，好似缺堤咁，真係一個好大遺憾。」 

鄭萃雯不認為做主播特別優越感，反而要謙卑。對於香港新聞公信力下降，她說：「其實好欷歔，香港做傳媒好難做，競爭大，而且有唔同壓力。做乜嘢位或者咩台都好，我覺得仍然有好多有心人，堅持緊一啲嘢。我希望大家要畀支持呢一班人，唔想連有心人都心灰意冷而走。前線嘅人唔係咁樣，真係有口難言。當然觀眾同讀者有佢哋睇新聞嘅選擇，我都支持大家以行動去表達，但係咪代表要出去鬧或者貶低佢哋呢？」

（↓點擊放大睇圖片↓）

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

責任編輯：楊安莉