今晚打老虎｜王敏德兄弟演法國賭神超經典 皮亞卡箱「人在野」做釣魚教練

「法國賭神皮亞卡箱大戰中國賭聖今晚打老虎」，相信對星爺影迷嚟講一啲都唔陌生。《賭俠2之上海灘賭聖》中，阿星（周星馳飾）喺1991年嘅香港穿越時空回到1937年的嘅上海。當時川島芳子對丁力苦苦相逼，而識得特異功能嘅阿星就幫丁力相約川島芳子，於賭桌上定生死。 

{{hket:inline-image name="tate111223_3_004.jpg"}}{{/hket:inline-image}}

電影中最後一幕川島芳子搵嚟法國賭神Pierre Cashon（皮亞卡箱）迎戰，阿星曾睇皮亞卡箱的傳記，對方最後輸給畀一個名為「今晚打老虎」嘅神秘人物後去世；而原來阿星自己嘅外語名就係comment-allez vous（音近粵語「今晚打老虎」）。

（點擊放大睇圖片）

而電影中官仔骨骨嘅法國賭神「皮亞卡箱」其實唔係法國人，而是王敏德嘅兄弟Declan Wong。Declan只係拍咗《賭俠2之上海灘賭聖》同《縱橫四海》（同為1991年）兩齣電影就喺娛樂圈消聲匿跡，而喺Declan嘅社交平台見到，佢而家長居紐西蘭，仲喺2017年開咗一間公司叫Bodhi Trout，提供「生態遊」服務，指導客人如何進行fly fishing（飛蠅釣）。另外，喺紐西蘭落地生根嘅Declan仲買咗一塊地，貼近大自然生活，非常寫意。