鄭秀文風雨不改為杜琪峯做壽 61歲鍾楚紅高清素顏索爆搶晒鏡

鄭秀文（Sammi）同杜sir（杜琪峯）多年來喺電影上都合作無間，而二人私下都非常老友，每逢大時大節，同埋大家嘅生日都會相約一齊慶祝，親到好似一家人咁！噚日就係杜sir嘅66歲生日，Sammi就同一眾好友以及杜sir老婆黃寶玲齊齊同杜sir切蛋糕做壽。

{{hket:inline-image name="scree.png"}}{{/hket:inline-image}}

Sammi今日喺佢嘅IG po相兼留言：「對我而言，每年非常重要的日子，就是杜sir的生日。昨晚，還有紅姑（鍾楚紅），韋生（韋家輝）韋太和阿叔（張叔平），當然還有杜太啦！簡單吃飯聊天，就是幸福的一夜。」Sammi原來同杜sir已經相識21年，佢仲hashtag話杜sir係佢最尊敬嘅人添！

Sammi嘅相片冇加任何filter，但相中眾人依然好省鏡，尤其是今年已經61歲嘅紅姑，搶晒所有人鏡呀！紅姑一向都係天然大美女，雖然有少少眼肚同皺紋，但面色紅潤又精神飽滿。照片中嘅佢露出招牌甜美笑容，睇到都覺得心花怒放呀！唔少網民都大讚紅姑，仲話佢同40歲嘅時候差唔多樣，真係好似食咗防腐劑咁！

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】