少爺占97年做DJ與謝昭仁緣慳一面 電波少年變文藝中年做設計顧問

1998年，香港人謝昭仁聯同素未謀面嘅日本人伊藤高史，參加日本真人騷《前進！電波少年》。2人獲分配約6,000元港幣，要以backpacker方式由非洲最南端徒步、坐順風車，同一邊打工賺使費，前往歐洲北部，跨越超過2萬公里；途經了津巴布韋、坦桑尼亞、肯尼亞等國家，抵達歐洲後經希臘、烏克蘭、俄羅斯等合共17個國家。最終由南非好望角到達歐洲挪威斯萊特角燈塔，花了290日完成創舉。

{{hket:inline-image name="175866311_863006414647856_7185341886912065514_n.jpg"}}{{/hket:inline-image}}

當年先得25歲，初生之犢不畏虎嘅謝昭仁，眨吓眼而家已經48歲喇！大家已經好耐冇喺幕前見過佢，日前商台DJ少爺占喺街上偶遇昭仁，更將合照上載到社交平台，勾起咗大家嘅集體回憶，少爺占留言：「昨天在東京原宿街頭碰到前輩謝昭仁San！我加入商台正值他出發電波少年之旅之時，大家緣慳一面。當年他與伊藤San的環遊地球之旅轟動香港日本電視界，其中露股出浴一幕堪稱媲美太空人登陸月球。昨天我留了伊藤髮型合照story（IG）發表後，太多人問其近況及各自發表了當年欣賞其演出之集體回憶（竟然好多人話做女個陣有買過兩本電波少年書）……」

（點擊放大睇圖片）

昭仁當年喺日本發展得非常好，被認為係一位個多才多藝嘅藝人，不論是製作、設計、演出、搞笑等都能勝任，成為日本人最喜愛嘅外籍藝人之一。不過2005年2月，佢以「父親身體不太好，想留在他身邊」為由，昭仁決定從日本藝能界引退並返回香港發展，喺商業電台叱咤903同黃偉文一起主持《八十大壽》節目。

昭仁曾為商台創作總監，2008年加入恆智廣告製作有限公司。2014年為會展管理公司執導拍攝的企業短片「亞洲最佳，香港的驕傲」，並於2014 Questar Awards及2014 Videographer Awards奪得四項大獎。而家嘅佢喺一間公司擔任設計顧問，由當年嘅電波少年變成文藝中年！