《聲夢傳奇》53歲李克勤冇化妝似用老顏濾鏡 盧淑儀做山系女孩Keep住青春

現年53歲嘅李克勤最近為《聲夢傳奇》擔任導師，指導15位參賽者歌唱技巧及舞台表演，他更自稱為「奶爸」。另外克勤又大讚《聲夢》團隊上下一心，士氣好好，佢回憶對上一次有同樣感覺已是多年前跟呂方主持《勁歌金曲》︰「大家都廢寢忘餐！我份人工其實是做一天工作，但我差不多天天也在工作，每日返來開會，電話訊息未停過，大家不介意付出幾多，士氣是無綫近年最好。」

{{hket:inline-image name="173828708_2563779827258797_3197587024120801990_n.jpg"}}{{/hket:inline-image}}

克勤大讚一班學員年紀雖小，但舞台經驗同抗壓能力都好強，唔似佢哋以前一上台就震過貓王。講到淘汰賽制好殘酷，克勤表示娛樂圈就係咁：「我唱得唔好都會被淘汰，演藝行業一向殘酷。我哋喺放大鏡下，做咩永遠都會被大家評頭品足，冇得去逃避，佢哋早日習慣係好事。每集賽制都唔同，每隔一段時間就有驚喜。」

{{hket:inline-image name="173775860_467752621200443_4836247513009790993_n.jpg"}}{{/hket:inline-image}}

雖然做導師好忙，但克勤仍然Keep住踢波，日前佢就出咗個Post並留言：「今朝九點。早波」，相信克勤因為準備做運動所以完全冇化妝，相中嘅佢除咗皮膚好黑之外，仲眼皮嚴重下垂，魚尾紋同法令紋走晒出嚟，唔講仲以為佢用咗「老顏」Filter，跌watt得好緊要！

（ ↓ 點擊圖片放大 ↓ ）

早前網上有傳克勤低調安排家人移民英國，甚至指佢嘅太太盧淑儀已經帶埋兩個兒子李立仁和李力司往英國定居。不過李克勤澄清，雖然自己熱愛球隊曼聯，但從來沒有移民英國或其他國家的打算，並以身為香港人為榮。盧淑儀都以行動「證明」自己身在香港，日前同朋友去到鴨脷排，挑戰高難度行山路線，手腳並用之餘，仲話覺得自己行到中暑，真係好有活力！細克勤6年、港姐出身嘅盧淑儀，同克勤相比起上嚟就真係Keep得好好，除咗皮膚光滑之外，身形都同少女一樣，克勤真係認真要Keep吓喇，同埋都睇到做一家之主嘅壓力應該唔細。