《日日媽媽聲》｜葉凱茵因妊娠毒血流產拒見胎兒 後遺症令壓力爆煲致甲狀腺亢進

無綫節目《日日媽媽聲》由余安安、羅敏莊和陳凱琳三位星級媽媽做主持，昨日一集邀得「最強媽媽」葉凱茵，提起當年因患上突發性妊娠毒血症而不幸流產時她難掩傷痛。接二連三遇上悲痛事情的她，曾一度陷入崩潰邊緣，幸好有老公及大仔Orson做她最強後盾，才慢慢從悲痛中康復過來。

{{hket:inline-image name="1.png"}}{{/hket:inline-image}}

葉凱茵在2016年年初懷孕9個月時突然患上突發性妊娠毒血症，不幸流產，失去再做媽媽的機會。本來正準備迎接細仔兩、三星期後的來臨，豈料希望突變成絕望。「發生嗰件事前一晚，我都仲感受到BB的心跳。第二朝起身，好似唔係幾舒服，起咗身半個鐘，Feel到下體開始流血，15分鐘老公揸車送我去醫院，醫生幫我做檢查，之後臉色一沉，原來BB已無心跳。」

{{hket:inline-image name="3.png"}}{{/hket:inline-image}}

她回憶起當時思緒混亂，「其實嗰一刻好混亂，無諗過呢件事會發生喺我身上，之後就幫我打催生針，生完BB出嚟，護士問我想唔想見BB最後一面。當時我拒絕咗呢個要求，好驚個畫面會永遠留係我心入面。」

患上突發性妊娠毒血症除了帶走BB的生命，亦令葉凱茵差點失去性命，令身體出現好多後遺症：「高血壓、右眼有閃光，驚恐症，情緒都出現好大問題。」

面對媽媽最痛，葉凱茵當時為免朋友擔心都跟他們講OK、無事，「但經過幫我接生的醫院時會好驚；電視播緊關於流產的節目，我係唔想睇，知道傷口未好返。」

（↓點擊圖片放大↓）

她憶述當年悲痛事情接踵而來，更令她壓力爆煲，患上甲狀腺亢進症。「個幾年係我人生幾唔開心嘅時間，2013年父親離世；2014年是姨母離世；2015年媽媽患了場大病，幸好最後沒事；2016年就到我細仔呢件不幸事，呢幾年係終於爆煲，係年半至兩年前，患上甲狀腺亢進症。好感恩有老公同仔仔，家人同朋友的支持同陪伴，終於克服呢個陰影。」

{{hket:inline-image name="11.png"}}{{/hket:inline-image}}

葉凱茵亦指曾萌生想再生多個的想法：「雖然我曾講過我一定唔會再生，但呢個想法最近起咗變化，醫生同我講如果我想再要生要小心，因為好大機會再有呢個病。」她續指：「因為我仔仔去咗紐西蘭讀書一年，同佢分隔兩地，係好掛住佢。有時見到街上小朋友，就諗可唔可以生多個，但因為醫生建議同年紀唔細，都唔敢冒呢個險。」而身處紐西蘭的大仔Orson更隔空為媽媽送上窩心安慰，葉凱茵聽到後亦開心落淚。

（↓點擊圖片放大↓）

日日媽媽聲│袁詠儀費盡心思求B失敗感遺憾 張慧儀眠乾睡濕湊心疾養子勁催淚 【下一頁】