余文樂8千呎豪宅客廳似ballroom 生財有道逆市「走資」台灣做生意

余文樂2017年與台灣皮帶大王千金王棠云結婚後育有一子一女，樂仔婚後修心養性，生活多數都係圍繞住家庭生活。自去年疫情以來，樂仔同妻兒主要都喺台灣居住，近日佢喺IG限時動態發布整蠱老婆嘅短片曬恩愛，意外曝光佢台北豪宅嘅內貌。

{{hket:inline-image name="80703292_168886307765366_2978838821640147472_n.jpg"}}{{/hket:inline-image}}

余文樂IG限時動態短片中，喺廁所整蠱老婆，當時佢拎手機行入廁所，仲一邊發出恐怖聲音。懵然不知嘅王棠云冇留意到，結果被嚇一跳，之後發現原來係老公惡作劇，感到無奈又怕醜，作狀要追打對方。目測短片中嘅洗手間最少有二百呎，浴室同廁所分隔開，設計似足五星級酒店。其實除咗呢個限時動態，樂仔同老婆不時分享家庭生活時都令佢屋企超豪環境曝光。

（點擊圖片放大）

余文樂不時邀請圈中朋友到家中作客，好似彭于晏就經常係佢嘅座上客，樂仔同一眾朋友嘅合照可以見到佢屋企嘅樓底非常高，客、飯廳分開，客廳大到好似ballroom一樣；飯廳有一張大長枱，空間至少可以容納到10人舒適用餐，真係日日開P都仲得！

據悉，該豪宅於台北臨沂街巷弄，係「頂禾園」14樓單位，索價2.8億台幣，作為送給家人的安樂窩。面積有8100呎，每戶有5-6個車位，非常適合愛車的樂仔。雖然近年雖然佢喺電影方面收入大減，不過經營潮牌生意為佢帶來不少進帳；去年曾傳出，他又有意買下台北的另一豪宅「潤泰敦峰」。有指樂仔有意賣晒香港多輛名車套換現金，作為將來子女的教育基金，甚至想當作喺台灣投資生意的資金，而佢早前都曾大曬佢嘅新辦公室，精心設計而且環境優雅，似乎有意長住台灣。