袁偉豪再被網民挑戰EQ極限 49歲童顏馬浚偉被擺上枱battle

男神黃子華曾經講過：「做人冇公關，食屎㗎喇。」而現年39歲嘅袁偉豪（Ben）早前打千字文反擊被指樣殘，之後在多次訪問中提起事件，明顯有火。袁偉豪嘅反擊令唔少人都覺得佢EQ唔夠高，冇令到網民收口之餘，反而令佢哋更加起勁狙擊。日前佢Post出一張自拍照，再次引起大家熱烈討論。

{{hket:inline-image name="172563164_2009613205859140_1590110199536264757_n.jpg"}}{{/hket:inline-image}}

網民以「袁偉豪近照」為題開Post，引起大家討論。相中嘅袁偉豪眉心同額頭嘅火車軌都出晒嚟，而且法令紋都有啲深。唔少網民都話睇到覺得有啲不安，話佢就快變人乾咁話。有人話佢自從同張寶兒拍拖之後外形走下坡，指就咁睇相覺得佢似49歲以上。有網民仲Mean爆拎大佢十年嘅童顏馬浚偉同袁偉豪比較，話現年49歲嘅馬仔哥哥keep得好，仲young過細佢十年嘅袁偉豪。無辜「被battle」，希望Ben唔好嬲啦。

袁偉豪曾提到係太太張寶兒先發現網上有討論佢嘅帖文，有網民知道Ben有「Mon Po」，就更加起勁力踩，似乎係要挑戰Ben嘅EQ極限。網民話Ben眼神猥瑣，仲要加多一句：「Hi，袁偉豪，我知你睇緊。」相信當事人睇到必定會更加氣結。

（↓點擊放大睇圖片↓）

不過都有網民理性撐Ben其實是因為工作同佢嘅專業態度，先令自己咁憔悴，事關當年佢拍《鐵探》嘅時候，曾經為演好病人角色急促減磅。網民留言：「我覺得係佢當年為咗拍劇，用過度極端手法減肥，整傷咗自己；加上又有咁上下年紀，返唔到轉頭。」不過佢哋就指出Ben係自毀觀眾緣，相信如果大家諗到佢係因為拍劇而自毀靚仔樣，都會非常欣賞兼體諒；然而Ben每次回應都「單單打打」、表面自嘲又忿忿不平，先會令網民覺得捉到「玩具」。所以話，做人冇公關死得。

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】