師父有請｜陳自瑤堅稱冇黑面而係呢個表情? 讚小方絕晒種:男人都受唔到誘惑

由邵氏兄弟製作的《Master's Talk師父有請》播出第十集，主持人林盛斌（Bob）和麥玲玲邀請到「話題人物」馮盈盈、方力申和陳自瑤（YoYo）擔任嘉賓。

{{hket:inline-image name="_DSC3549.JPG"}}{{/hket:inline-image}}

方力申同YoYo當年因合作拍《大細心》MV而傳出緋聞。方力申和YoYo同時舉手發誓稱從沒拍過拖，2006年拍完MV之後幾乎沒見過面，小方說：「MV只有佢錫咗我面一啖，就傳緋聞，當時傳緋聞傳得太犀利，我本身唔覺得係一回事，後來傳到連工都冇得開，廣告商話太多新聞唔用我。」小方指自己會遠離各種引誘，盈盈同YoYo即時尖叫讚小方是絕種好男人，YoYo即時搶答說：「好少男仔好似佢咁，我支持佢！其實個個男人都受唔到誘惑，唔單止係佢呀喎，有男人會咁做，但有男人唔會咁做。」小方表示雖然不值得驕傲，但他稱在內地工作多年，從來沒遇過女演員敲門。

{{hket:inline-image name="_DSC3504.JPG"}}{{/hket:inline-image}}

麥玲玲指藝人要紅的話命格一定要有是非，無論馮盈盈開放型或者方力申的穩守型都一樣，小方笑指YoYo一定會爆紅，事關她在《萬千星輝頒獎典禮2020》中的「黑面」表情被瘋狂洗版，小方說：「佢最近個『黑面』網上熱搜係全國Top 10，有錢都買唔到呢個位，我仲收到風，佢啲粉絲上升幾十萬。」Bob稱自己用Whatsapp都經常見到YoYo個經典黑面樣，每次講廢話時朋友就會傳來，大家都七嘴八舌狂笑。YoYo傻笑說：「我澄清先，大家唔好笑住，我冇黑面，你拎番張相出嚟睇，我係冇黑面呀，當下個表達係冇乜表情，比較淡然，我冇黑，塊面仲有『令』嘅。表情係淡然冇黑面亦冇不悅，但人哋解讀好多嘢，（全世界都係咁解讀，讚你、多謝你應該微笑？）有呀有呀，我真係有微笑呀！鏡頭影咗我兩、三秒，做唔晒咁多表情，可能我有微笑咗少少，鏡頭影唔到啫。」

（點擊圖片放大）

小方笑指應該街訪幾位天真的小朋友，追問這個表情到底是生氣還是微笑，即時被身旁的YoYo打，YoYo說：「我係估唔到嗰一、兩秒會咁有話題性，預計唔到，（大家話你係最佳視后！）多謝大家，我終於成為視后。」YoYo笑言因今次話題而得到工作邀約，正在洽談之中，小方笑指一定是面膜廣告。

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】