港版香口膠牆｜柴灣無品街坊製香口膠柱陣 區議員：唔講以為係裝飾品

本地出現港版「西雅圖香口膠牆」？近日有區議員發現柴灣環翠邨對開天橋的花槽邊，遭人故意用咬過的香口膠疊起，排出一列約2米長「香口膠陣」，猶如特製的「裝飾品」，但行為極不衛生，故已通知房署人員清理。

東區區議員吳卓燁在facebook表示，日前收到街坊反映，柴灣環翠邨澤翠樓對開行人天橋近扶手位置的花槽邊，出現一排古怪的香口膠，有人整齊地將咬過的香口膠逐一疊高3至5個，然後隔數厘米便再疊一棟，不斷重覆以上做法，排出一列約兩米長的「香口膠陣」，吳卓燁形容：

「冇幾個月都唔會有呢個長度，唔講以為係裝飾品。」

(點擊放大查看) 

吳卓燁批評有關行為極為不衛生，呼籲涉事街坊「可唔可以真係有少少手尾，包起佢再放入垃圾桶，而唔係擺『裝飾品』咁，擺出嚟俾街坊睇你𡁻香口膠嘅『戰績』」。

他指已通知房署的外判清潔工刮走相關「藝術品」，日後會加強巡邏上述位置，避免該藝術品「重出江湖」。有多名街坊則留言表示，該些香口膠已存在5年，形容「睇住佢數量keep（持續）住多」、「睇住佢起」。

西雅圖「香口膠牆」

提及香口膠裝置藝術，最出名可說是被喻為「全球最噁心景點」的美國西雅圖「香口膠牆」(The Gum wall)。據指上址原為一個戲院門口，90年代初因觀眾排隊時隨手將香口膠黏在牆上，卻因越黏越多變成一大特色。

至1999年政府宣佈該處成為景點，吸引大量遊客前來朝聖，並用香口膠「留名」，令兩邊長達15米的牆身黏滿以百萬計的香口膠。不過在2015年，政府曾以保護牆身結構為由清理，花130小時刮走逾2350公斤重的香口膠，不過因為仍遊客不斷，很快便故態復萌。

(點擊放大查看) 

責任編輯：黃志宏