退出娛圈圓博士夢丨徐子珊滯港重金邀復出不為所動 「人間蒸發」一年後為關禮傑妻慶生

徐子珊離開娛圈非常徹底，除咗一直絕迹所有公開場合外，就連同網民互動嘅多個社交帳戶亦未有再更新，有個別帳戶更已注銷，低調到彷彿人間蒸發一樣！日前，終於見到佢喺網絡世界「蒲頭」，不過就唔再係佢自己Share，而係關禮傑太太梁安娜（Anna）慶祝生日嘅合照曝光。相中嘅佢就咁睇面型比以前消瘦，比起佢對上一次更新微博完全唔同樣。

{{hket:inline-image name="006oJ0Tdly1g2zmgkisz4j32m21gy4qq.jpg"}}{{/hket:inline-image}}

Anna繼早前有兩個囡囡以及老公同佢搞咗個生P之後，人緣非常好嘅佢仲有好多老友輪住同佢慶生，當中包括久未露面嘅徐子珊，相中嘅佢變晒樣，唔少網民都話霎眼睇落去真係認唔到係佢呀！

（↓點擊圖片放大↓）

現年41歲嘅前港姐冠軍徐子珊2019年宣布退出娛樂圈，已經喺香港大學完成心理學碩士課程嘅佢本來打算上年初移居歐洲進修同生活，但就因新冠肺炎令佢被迫滯留香港，就連港大碩士畢業禮都受影響未能舉行。

徐子珊原本已下定決心賣車賣樓全面撤港，佢2010年以千萬買入貝沙灣兩房單位，至今仍然持有，現時市值更升至約2千萬元，「唔等錢使」嘅佢決定待價而沽。雖然最終冇變賣資產，但徐子珊都冇「反口」復出搵銀，有傳早前曾有電視台及其他製作單位，重金邀請佢「出山」，佢亦未有始終未有動搖，一心回歸平凡生活。