消失的楊明︳福將歐陽震華出戰助無綫搶收視 監製證楊明冇份宣傳：會舒服啲

歐陽震華（Bobby）、馬神馬德鐘及陳瀅為無綫下周一晚（12/4）九時半播出的新劇《伙記辦大事》現身宣傳，當中女主角萬綺雯（蚊蚊）身在內地，惟有以1︰1紙牌人「蚊蚊」來代替；至於涉醉駕的楊明除了劇集宣傳海報上「被消失」，監製陳耀全亦親口證實，「因為干涉入司法程序，我覺得喺呢個時間唔好攞佢嚟宣傳，對佢對我哋都會好啲，亦唔想大家唔舒服啦！所以，有關劇嘅宣傳佢都唔使做嘞！」不過監製強調楊明的戲份不會刪剪。

{{hket:inline-image name="70.jpg"}}{{/hket:inline-image}}

無綫下周推出新劇《伙記辦大事》，一眾演員為劇集宣傳，有份演出的楊明則「冇影」。（圖片：東星娛樂）

{{hket:inline-image name="62.JPG"}}{{/hket:inline-image}}

現場播出的預告片仍有楊明出現。（圖片：東星娛樂）

伙記辦大事│海報刻意刪走「孭保」候審楊明 歐陽震華搞笑3招對付女主播 【下一頁】

至於被封為無綫收視福將的歐陽震華，雖然已「登六」，但拍埋細他8歲的馬德鐘一樣sharp醒，原來兩人於1997年合拍《醉打金枝》，今次相隔廿多年再碰頭，馬德鐘大呼感恩，「我嗰時係7、8、9線......」歐陽震華笑謂：「我都做過7、8、9線，你做7、8、9線時我已經做主角，但到今時今日我仲未退休，你已經係視帝，又係資深演員，能夠再合作係好開心嘅。」拍劇無數的歐陽震華，可以話睇住很多演員長大，好似2016年同胡定欣合作拍《一屋老友記》，他說：「睇住定欣細路女入行，而家都長大咗，可以同佢演一對，最緊要係『我等佢嘛』！」

（↓點擊圖片放大↓）

無綫近年劇集收視每況愈下，福將歐陽震華反而不看重收視成敗，「而家講口碑重要過收視啦！收視好虛無，咁多途徑去睇，收視點計我都唔清楚。同埋唔好話邊個救邉個，係你哋幻覺嚟，套劇係上年年頭拍完，都成年啦，都要推出㗎啦！唔係嘅話睇到入面啲車款都cut晒啦！」

《伙記辦大事》既有福將，亦有涉醉駕「孭保」候審的楊明，據監製說楊明戲份不會刪剪，會否擔心影響收視？歐陽震華亦同監製口徑一致，「而家唔講得嘞！入咗司法程序，費事講多咗可大可小呀！」至於同樣未有現身的萬綺雯，歐陽震華笑稱對方在內地落地生根，有很多工作要忙，打算在浙江開民宿，他謂：「所以帶個紙牌出嚟囉，都係我提議嘅，之前劇集《誇世代》都有我嘅紙牌人出嚟宣傳啦！」

（↓點擊圖片放大↓）

撰文：衛紫敏

Cream升級做媽媽︳李蘊前隊友Hilda低調佗B做人母 生產前百無禁忌照搬屋飲香檳？【下一頁】