《靚媽圍爐》 佗B辛酸史︳孫慧雪臨盆前被老公迫食龍眼乾 產檢BB心臟見白光嚇到暈

3位靚媽關心妍（Jade）、「雪雪」孫慧雪和張美妮在YouTube頻道的節目《靚媽圍爐》，新一集分享佗B辛酸史。孕婦佗B一向禁忌多多，亦有不少養胎偏方，孫慧雪自爆老公比她更八卦，迫她吃芝麻糊，「老公聽人講話食芝麻糊可以令BB多啲頭髮，因為我同老公啲頭髮唔算多，BB出世頭髮多會可愛啲，佢就要我食芝麻糊，事實係BB出世頭髮真係好多！」

{{hket:inline-image name="78.jpg"}}{{/hket:inline-image}}

3位靚媽在節目中分享佗Ｂ經驗。（圖片：網上截圖）

{{hket:inline-image name="67.jpg"}}{{/hket:inline-image}}

雪雪指自己108磅去到人生高峰160磅，諗起都覺得誇張。（圖片：網上截圖）

請陪月員騎呢事│孫慧雪爆姨姨唔戴Bra通屋走 「老公睇CCTV佢下半身無遮無擋」【下一頁】

繼芝麻糊後，雪雪指老公在她臨盆前兩天，聽到吃龍眼乾可以令BB雙眼更大更明亮，竟冒著8號風球都要載她出街買龍眼乾，她沒好氣說：「佢仲叫我快啲食，話剩番2日唔夠時間嘞！」而Jade指食物確有一定幫助，因她佗著女兒心心時，每日會食藍莓和菠菜，而心心出世時頭髮多、眼睛明亮，未知是否跟鐵質充足有關？

（↓點擊圖片放大↓）

雖然佗B要小心飲食，但懷孕初期為了養肥BB總會放肆喪食，Jade稱當歌手時會忍口Keep身型，佗B即時大吃喝，「乜嘢都食，乜嘢都放入口，菠蘿包都食兩個！點知去產檢時就大鑊嘞，醫生話我4個月就重咗8磅，擔心我會妊娠糖尿病，我好驚……由嗰刻開始又變番做歌手時乜嘢都唔敢食，每餐計住卡路里。最後由佗B到生產，我重咗27磅，冇妊娠糖尿出現。至於雪雪從原先108磅，去到人生高峰160磅，她笑言 :「最開心係影相時，唔會再有人叫你『縮肚』。」

說到產檢，雪雪其中一個深刻經歷，當時照4D超聲波，見到BB心臟位置有白色光點，「當時醫生話有兩個可能性，一係心臟有事，一係唐氏綜合症！聽到係好擔心，BB已經5個月，就算乜嘢結果我哋都要接受。後來BB出世，轉睇兒科醫生，提番白色光點嘅問題，醫生話BB不知幾咁健康，仲話我哋呢啲父母疑慮太多嘞！」

（↓點擊圖片放大↓）

撰文：衛紫敏

紅到去韓國｜張國榮OPPA鼻祖妹豬神魂顛倒 罕唱《寂寞夜晚》英文版賣告白 【下一頁】