鄺文珣輕鬆幫囡囡克服返學焦慮 媽媽tone超溫柔分享心得聽到融化

現年46歲嘅鄺文珣2002年約滿無綫電視後淡出娛樂圈至，2006年與商人應德榮結婚，專心相夫教子；雖然中間二人曾經現婚姻危機，但最終因為不忍兩個仔喺單親家庭長大，又因為宗教信仰令二人關係得到改善，3年前鄺文珣再誕下囡囡Chesney，家庭生活好美滿。

{{hket:inline-image name="164197136_142855714418275_2138657720448074678_n.jpg"}}{{/hket:inline-image}}

鄺文珣最近仲開咗佢嘅YouTube Channel，同大家分享佢養育3個小朋友嘅日常。鄺文珣早前分享囡囡Chesney同大部分小朋友一樣，都要面對開始返學嘅焦慮！佢話自己每次準備同囡囡返學也要深呼吸，好在之前兩個囝囝嘅經驗都幫到佢，仲同大家happy share幾件佢會堅持做嘅事，希望幫助囡囡喺呢個階段嘅成長。

{{hket:inline-image name="133264050_891049614967467_6206958429791869890_n.jpg"}}{{/hket:inline-image}}

鄺文珣指父母第一要先控制自己情緒，因為越鬧小朋友，佢就會越驚返學；指出小朋友腦內「杏仁核」有產生情緒功能，越強迫小朋友就會令佢更加對學校反感。

第二，千祈唔好因為小朋友扭計或者喊而唔同佢返學，鄺文珣指佢會令囡囡知道，媽咪講過嘅說話唔會因為佢喊得好淒慘而「收番」。指如果小朋友發現咁樣可以達到目的，佢就會每次都用同一招，可能脾氣仲會更加差，甚至扭計時間更長，小朋友嘅情緒就更難處理。

（點擊圖片放大）

第三，要用同理心對待小朋友，效果會好好。呢個年齡嘅小朋友唔係好識用言語去表達自己，可以用公仔同佢講嘢，引導小朋友講出唔想返學嘅原因，又可以分散其注意力，更加容易安慰。而且小朋友要同父母經歷分離係好大事件，所以要畀佢哋知道爸爸媽媽係會同佢一齊經歷，畀安全感佢。

最後，鄺文珣仲溫馨提示，所有小朋友都唔同，如果小朋友返學一段時間都冇問題，但突然唔想返學，父母要研究一下佢哋究竟因咩原因而唔想上學，最好同老師了解同溝通。