《是滴是友》︳趙式芝重提同性婚姻失敗收場 「感情要去計較回報一定唔work」

廖碧兒（Bernice）、林曉峰主持的ViuTV節目《是滴是友》剛播出的一集，找來名媛趙式芝（Gigi）擔任嘉賓，分享品酒心得，更由投資股票講到她的感情世界。Bernice知道趙式芝是對威士忌甚有研究，專程帶來限量版的威士忌給她品嚐。趙式芝表示喜歡飲威士忌多年，但認真去研究還是在疫情後，她跟一位著名的英國威士忌專家Jim Murray學習品酒、了解威士忌的製造過程；節目上她教大家如何品嚐威士忌，「飲威士忌，係先飲一啖，然後聞佢嘅香味，再用一隻手蓋住酒杯頂，溫暖咗再聞佢嘅氣味，其實飲酒都唔需要太造作同刻意，隨意就得！」

{{hket:inline-image name="02.jpg"}}{{/hket:inline-image}}

趙式芝和廖碧兒是「酒友」，獲邀上《是滴是友》擔任嘉賓。（圖片：電視截圖）

{{hket:inline-image name="04.jpg"}}{{/hket:inline-image}}

廖碧先帶來限量版威士忌送給趙式之作見面禮。（圖片：電視截圖）

《皆大歡喜》re-u│廖碧兒被翻與劉愷威20年前舊情 驚爆當年無家可歸跟男方返屋企 【下一頁】

懂得品酒之外，趙式芝在股票市場上亦甚有斬獲，當然亦曾試過損手？她坦言：「都好多呀，通常就係聽人嘅貼士最大鑊！聽貼士都唔緊要，但要識得追問，要問對方幾錢放？幾錢止蝕？揸幾耐？要問咗呢三個問題先好買！」股票識得止蝕，Bernice話鋒一轉，問到對方如何「投資感情世界」的問題！

趙式芝經歷一段同性婚姻的失敗，是否投資失手？她即時哈哈大笑，「兩個人相處，往往都關於付出，然後先有魔法、火花，令你有動力，有一種穩定支持。但當你去計較，你付出幾多？回報幾多？我就覺得唔work……就如放喺小朋友度都係唔work，雖然我冇小朋友......」林曉峰問到她可會想有自己的小朋友，提議可選擇收養一途，趙式芝答︰「遟啲先算啦，或者都冇得遲......」她同時指香港現有的婚姻制度未認可同性婚姻，所以她要爭取婚姻平權，希望5年內能達成這個目標。

（點擊圖片放大睇）

為婚姻平權的問題發聲，趙式芝承認是困難重重，「我覺得係漫長路，目標係5年，我哋做咗一啲資料搜集，好多人會用宗教藉口，去合理化一啲歧視。我唔敢講係啱定錯，因為用到咁大（宗教）嚟講就冇得拗，我覺得自己可以做到嘅事，就係支持身邊嘅同志、跨性別者，表示自己係盟友嘅身分。」

41歲趙式芝系出名門，父親是身家豐厚的富豪趙世曾。2012年，趙式芝與相戀7年的鐘錶太子女楊如芯（Sean）出席公開活動時，驚爆二人已在外地秘密結婚，是第一位自爆同性婚姻的公眾人物，轟動全城。趙世曾當時無法接受掌上明珠的同性婚姻，先後開出5億和10億，在全球為女兒招親搵女婿，成為熱話。不過，趙式芝和Sean的婚姻，最後維持了6年便宣布「分訊」。

（點擊圖片放大睇）

撰文：衛紫敏

《#後生仔傾吓偈》︳曾志偉向後輩自爆老貓燒鬚 將入圍華姐名單報錯10強變13強 【下一頁】