學習獨處？｜女友Staycation「昇華」變Selfcation 港男斥自私：我冇份玩又要我畀錢

新冠肺炎疫情下無法外出旅行，不少港人轉而住本地酒店「Staycation」當度假，而近日更興起講求享受一個人假期的「Selfcation」。一名港男日前在網上大吐苦水，指女友經常要求Staycation，因此他只好大灑金錢滿足對方。然而，近日女友趕上潮流「昇華」至Selfcation「學習獨處」，更照舊要他「埋單」；他對此大為不滿，怒斥對方自私。

「呢期個個都話要去Staycation、Staycation、Staycation，我都用咗唔少錢喺 Staycation上面。」該名港男周一（3月29日）在「香港討論區」發帖，指女友喜愛Staycation，但他坦言不明白「有乜好玩」，認為把錢留來將來真正到外國旅行更化算，

「拎兩件衫，使一大筆錢，去住酒店，再使一大筆錢叫room service（客房服務），點解唔留多啲錢，下次去旅行使多啲？」

不過對於Staycation，他未至於過分反感，「咪當係出去瞓一晚」。但近日，女友聲稱要「學外國咁自己去 Selfcation」，獨自一人去酒店住，「呢排好似又話唔興Staycation，變成Selfcation，即要乜『學習自己獨處時間』、『學識自己同自己溝通』」；原先他認為此舉並無不妥，直到被女友要求「埋單」，而感到大為不滿。

{{hket:inline-image name="s29032021.jpg"}}{{/hket:inline-image}}

事主收到女友傳來的酒店資料，只見每晚房價為$3,078。（「香港討論區」圖片）

他表示，女友已計劃好在周四（4月1日）及周五（4月2日）的假期去Selfcation，更將要預訂的酒店資料等傳送給他；只見該間酒店位於尖沙咀，海景客房每晚房價為$3,078，

「除咗酒店錢之外，仲有乜workshop（工作坊），晚餐錢……幾樣嘢夾埋都$7,000-8,000玩兩日，仲要全部都係我畀錢！」

對此，他怒斥女友十分自私，

「想要Chill（生活態度、放鬆之意）想要休息自己畀錢吖？我又冇份玩，佢又要我畀錢？家吓啲女人係唔係都咁自私？」

此事引來網民熱議，不少人認為現今Staycation的費用比去外地旅行更昂貴；有人又提醒事主，其女友可能未必是獨自一人去度假，著他要小心留神：

（↓點擊圖片放大↓）

Staycation與17歲胞弟浸浴兼合照，24歲港女放上IG惹嘩然一句反擊，詳情即睇：【下一頁】

每朝索取《晴報》：精明生活．健康家庭．開心娛樂

責任編輯：李凱晴