盧凱彤生忌｜林二汶哽咽唱《再聚》憶故友 「面對生離死別永遠都唔會準備好」

歌手林二汶昨晚（27/3）在紅館舉行《The Beginning of Faith》演唱會，獲大批圈中好友及歌迷出席支持。二汶選在昨日開騷，因昨日正是at17已故拍檔盧凱彤（Ellen）35歲的生忌，而她亦有邀請Ellen父母出席自己的演唱會。

{{hket:inline-image name="165142921_448168139573965_7423040896487794936_n.jpg"}}{{/hket:inline-image}}

演唱會於晚上8時30分開始，二汶演唱由Ellen作曲的《再聚》揭開序幕。其後，二汶說出「高跟鞋論」，解釋今次演唱會穿平底鞋（波鞋）的原因，指著高踭鞋唔係佢強項，「聽到啲人話『藝人要食得鹹魚抵得渴』時，我會心痛兼腳趾痛，但唯獨有班人唔會同我講呢啲說話，就係陪我捱過嘅姊妹、兄弟及拍擋們，佢哋會明白我痛苦，仲會撐起我；感覺好似著咗平底鞋咁，可以腳踏實地，重頭做起。」

{{hket:inline-image name="231.png"}}{{/hket:inline-image}}

二汶唱完《搖到外婆橋》後，她表示這首歌是由哥哥林一峰作曲，送給已離世的婆婆，「有日唔知點解我褲袋有張紙巾，同一日收到家人訊息叫我趕去醫院見婆婆，同時收到另一消息話3月27日紅館個期confirm咗，我最後同婆婆講嘅係『你個孫真係開紅館啦，佢好叻，唔使擔心』，我終於明白點解嗰日褲袋有紙巾。面對生離死別，無論做得幾好，永遠都唔會準備好。」然後她又唱出Ellen的作品《大拇指之歌》，期間一度哽咽甩嘴，唱完《True Colors》，她更要用手拭淚。

（↓點擊圖片放大↓）

在Encore時間，罕有談及私人事的二汶在唱《最後的信仰》前提及兩年前Ellen離世後的低潮期，「兩年前我經歷咗一個根本無辦法形容有幾低沉嘅時間，一個好大嘅跌倒，嗰陣時會覺得我冇嘞，我瞓唔到覺，要醫生開鎮靜劑畀我。不過係好短嘅時間，之後最壞嘅時候喺信仰認識到一班人。」她指當時認識到一班道家師傅及同門師兄弟姊妹，一直默默陪住她，她更介紹自己的道號為「玄晞」。

{{hket:inline-image name="ee40c26b9fa1d2d38236d18a924f24a1.jpg"}}{{/hket:inline-image}}

林二汶去年奪得「叱咤樂壇我最喜愛女歌手」，今次演唱會除了《全民造星III》冠軍Ben（趙祥誠）擔任表演嘉賓外，亦邀來「叱咤樂壇我最喜愛男歌手」姜濤擔任嘉賓，她笑指：「呢啲就係中女歌手嘅福利，博小鮮肉懵，你睇睇台下啲姐姐們幾羨慕我！」又笑言：「我初入行如果有遠見可以生得姜濤出。我選擇入行，冇去生仔。我哋兩個相隔兩個十年，但喺同一個時間獲得一個大家送畀我哋嘅獎，好多謝你哋。」

{{hket:inline-image name="1232.png"}}{{/hket:inline-image}}