兩性分歧｜不滿男友花$3萬改裝單車 港女欲放二手平台變賣：30歲人仲玩小朋友嘢

男女各有自己的愛好，伴侶間應嘗試了解和支持對方的嗜好。一名港女在網上發文抱怨，指男友花太多錢在改裝單車上，近日更以3萬元購入德國製碳纖維單車架，令她大為憤怒，直斥對方「成30歲人仲玩單車呢啲小朋友嘢」，聲言要偷偷將單車放上二手平台出售。

一名女網民上周三（24日）在「香港討論區」以「男朋友將啲錢拎去改裝架車......」為題發帖，表示男友熱愛踩單車，她卻認為對方花太多錢在改裝單車上。

事主透露，男友早前「玩玩吓」，花約1,000至2,000元維修單車和更換零件，她本來覺得「冇乜問題」；但對方曾花數千元更換單車齒輪，她坦言無法接受，當時已怒罵男友一頓。

不滿男友花3萬元買單車架

直至最近，男友興奮地向她發送照片，表示買了一個新的單車架，她細問下得知對方花費3萬多元，「又話乜德國貨，乜碳纖維」，令她大為氣惱，直言「佢（男友）講講吓我嬲到聽唔落」，憤而在手機封鎖對方，並打算透過二手平台出售男友的單車，她表示：

「好心佢（男友）都成30歲人，仲玩單車呢啲小朋友嘢，仲要用幾萬蚊去改裝，呢次真係忍唔到。」

男女關係│拍拖堅持化妝戴有色隱形眼鏡，港女一個原因拒素顏見男友，詳情即睇：【下一頁】

批男友大手筆：寧願佢買部真車

事主指自己平日不會花太多錢購買手袋，男友則一向「有幾多使幾多」，今次更以分期付款方式購買單車架，令她大感無奈，直言：

「我男朋友只係玩玩吓，（單車）根本唔需要咁靚！如果呢個價錢（3萬元）叫普通，我寧願佢買部真車算，起碼我有得坐吓。」

不少網民看到帖文後，認為男性熱愛單車等車輛十分平常，直指花3萬元改裝單車實屬「碎料」，亦有人指踩單車是良好嗜好，建議事主多支持男友：

↓ 點 擊 圖 片 放 大 ↓

拍拖交家用｜拍拖9個月未來外母要求畀家用，月入2.2萬港男不懂拒絕：畀$2000？詳情即睇：【下一頁】

每朝索取《晴報》：精明生活．健康家庭．開心娛樂

撰文：蘇麗儀