張致恒IG發長文稱默默工作還債 太太壓力爆煲跪求大家放過家人

張致恒（Steven）因向圈中不少藝人借錢，欠下街數逾40萬，早前債主馮鎵瀠（Naomi）公開向他追債。隨後Steven和太太區燕雯（雯雯）先後在IG上回應欠債事情，不認「走佬避債」，而雯雯更壓力爆煲，多幾次發文「放負」，揚言「要放棄都唔會帶埋兩個仔」，又與Naomi隔空對罵，最後雯雯不想成為「新聞人物」，決定將IG帳戶刪除。

{{hket:inline-image name="01.jpg"}}{{/hket:inline-image}}

張致恒放藍天白雲新相，是否代表欠債事件將「雨過天晴」？（圖片：張致恒IG）

{{hket:inline-image name="09.jpg"}}{{/hket:inline-image}}

張致恒一家，只想開心生活。（圖片：張致恒IG）

張致恒欠債6位數不知太太放負 雯雯：放棄都唔會帶埋兩個仔！【下一頁】

昨晚論到Steven在IG發長文，上載一張藍天白雲相，稱已有工開，強調冇走數，可以還錢，「Hello，大家好我係Steven張致恒，首先好多謝大家嘅關心，我想喺度重新講多次，我冇走數，我冇著草，我而家只係默默地工作，一直都好想還晒啲錢畀我所欠嘅朋友。講真係呢段時間真係過得好辛苦，搵到錢返嚟，我係有還過畀我嘅朋友，只係未完全還晒。我明白喺而家呢個時勢大家都好窮，所以我會好努力咁去工作儘快還晒畀大家，想喺度同我嘅朋友講聲對唔住，拖你哋咁耐。」

對太太雯雯因被追債到壓力爆煲，Steven攬上身表示受他影響所致，求網民放過他太太，「仲有嘅就係因為我嘅原因令到老婆嘅情緒唔好，所以我懇請大家要鬧要話嘅，可以私訊同我講，我好樂意畀你哋鬧。希望大家唔好再私訊我老婆，佢要幫我照顧兩個小朋友已經好大壓力。」

（↓點擊放大睇圖片↓）

亦因為Steven關係，太太被起底，揭雯雯外公是很出名的紋身師傅，圈中藝人吳志雄、陳惠敏的紋身都是由他操刀。Steven在長文中，跪求放過其家人，「你寫我乜嘢都唔緊要，因為我係公眾人物食得鹹魚就要抵得渴，但係我老婆嘅家人都係普通人一個，其實點解仲要攞出來講呢？若果有一日你全家嘅成員畀人擺出嚟你又會點諗呢？阿婆幾十歲心血少唔嚇得，同埋阿公已經過咗身，希望大家尊重阿公，跪求大家體諒！」

至於Steven前度女友莊韻澄 (Xenia) 已擇了好吉日，今日入院剖腹生B，Xenia稱選擇3月27日BB出世，玄學師傅說BB會聽話乖巧，更會旺她，「我老公想個仔易教又聽話啲，老公鍾意玩音樂，又希望囝囝都有音樂天分，同埋呢日出生，都會再旺我哋多啲。」雖然Xenia是新手媽媽，但沒有意思請陪月員，想一手一腳來照顧BB。

（↓點擊放大睇圖片↓）

撰文︰衛紫敏

黃宗澤疑戀內地單親媽網紅米米 米米與網民掀罵戰：最怕亂造謠 【下一頁】