張栢芝喪做劇烈運動闢懷孕謠言 大仔愛食「安靜的」炒飯係乜東東？

現年40歲嘅張栢芝2011年同謝霆鋒離婚後作品大大減少，大部分時間都係湊兩個仔同搞自己嘅時裝品牌，佢嘅一舉一動仍然一直都受大眾注視；尤其係佢2018年年底秘密誕下孻仔Marcus又對兒子的生父保密，大家對栢芝嘅生活更加好奇。

{{hket:inline-image name="14.jpg"}}{{/hket:inline-image}}

早前栢芝嘅肚皮再次成為焦點，最近佢參與拍攝內地綜藝節目《乘風破浪的姐姐2》，屢次被影到腹大便便，疑似秘密佗第4胎。她就解釋自己「穿了2條褲子，褲頭比較大」，先會出現凸肚效果，都有唔少人認為以《乘風破浪的姐姐2》嘅訓練及表演強度，一個孕婦應該難以承受，栢芝唔可能會冒流產風險參加節目。

然而栢芝早排出席活動時，總係穿寬鬆嘅衣物遮掩，舞蹈動作亦唔大，令謠言繼續滿天飛。日前佢IG上載自己做運動嘅短片，打破大肚傳聞。栢芝喺跑步機上勁跑135分鐘，話自己如果唔係第二日要搭飛機去做嘢，仲嫌跑得未夠喉！片中嘅栢芝著住運動背心，腰線非常明顯，點都唔似有咗娠紀！

（點擊放大睇圖片）

栢芝仲同大家分享佢一日嘅早上係幾咁充實，趕飛機之前，為小朋友準備早餐，佢窩心留言：「Lucas最喜歡早餐食炒飯，知道我今日要打飛機千叮萬囑媽咪你走之前整定畀我唔該。其實我個仔都唔知佢願意吃安靜的炒飯我有多開心。」唔知係咪因為趕時間，栢芝呢段文字打到錯漏百出，其中佢將搭飛機打成「打飛機」，相信係因為近期講得普通話多，而普通話中「搭」同「打」嘅發音又差唔多。

而「安靜的炒飯」都令一眾網民黑人問號，大家拆解相信佢係用咗語音打字功能，而「我整的」同「安靜的」發音相似，所以電話就出錯晒！