李澤楷開公司泵水捧華姐林宣妤 楊紫瓊再牽線曾為梁洛施做紅娘

有小小超之稱嘅城中鑽石王老五李澤楷早前經楊紫瓊牽線認識藝人林宣妤（Serene），更開咗一間Noble Castle Asia經理人公司準備泵水力捧Serene，唔少人都對小小超「踩過界」開娛樂公司感到非常詫異！

{{hket:inline-image name="06651fc55f7ae43e6bf8403f7c23dadf.jpg"}}{{/hket:inline-image}}

原來楊紫瓊早喺2017年擔任《國際中華小姐競選》評審時已經見過Serene，而楊紫瓊知道李澤楷想開一間經理人公司，就推介一啲馬來西亞演員，而Serene就係其中之一。楊紫瓊之後亦同Serene見過面，Serene形容楊紫瓊係一個好前輩，更叮囑佢打好基礎，學好演戲，公司願意栽培要好好珍惜機會，做好自己本分。

{{hket:inline-image name="fd70374ad4a07cf15076ae064870716f.jpg"}}{{/hket:inline-image}}

2007年楊紫瓊原來都曾經為小小超「穿針引線」，當時Isabella同楊紫瓊因為拍荷里活電影《盜墓迷城3》而熟悉，楊紫瓊仲當正Isabella係女咁錫，趁有份投資電影嘅小小超來探班時，介紹Isabella畀男方，所以最後二人戀上。

{{hket:inline-image name="b4873e99b49df8a3f0feed2babc4e673.jpg"}}{{/hket:inline-image}}

Serene而家係公司唯一一位藝人，有指李澤楷更親自邀請曾係湯唯同劉詩詩經理人嘅Maria出山；Maria希望有個機會重新帶一班新人及栽培佢哋走上國際舞臺，而李澤楷嘅理念同佢一致，又願意泵水栽培新人先促成到呢次合作。

（↓點擊放大睇圖片↓）

Serene被安排跟美國HB studio的導師學演戲，仲開始學習拉丁舞。有指李澤楷一直希望打造Serene做湯唯接班人，不過原來Serene都唔係經常見到李澤楷。Serene指自己第一次見李澤楷係喺試鏡現場，但來去匆匆，只係見到一眼。佢話同小小超係「網友」，曾同經理人一齊zoom meeting。Serene話同李澤楷都係傾工作，感覺佢係個好正經同formal嘅人。Serene表示湯唯雖然係一個好演員，但佢唔想做人嘅「翻版」，會自己做到最好咁話！佢指自己嘅底線係三點不露，但唔排除遇到好角色，都可以為藝術犧牲！

Serene當選《國際中華小姐競選》亞軍後同無綫簽約，曾參與演出劇集《她她她的少女時代》、《反黑路人甲》和《使徒行者3》，但Serene曾因為離鄉背井壓力過大患上暴食症，被折騰兩年又睇咗半年心理醫生，病情得到控制後，佢選擇約滿離巢返大馬休息。