疫下求職｜搵舊同事扮前上司作資歷查核 豬隊友照稿讀一個動作穿煲

新公司決定錄取員工前，不時會聯絡求職者前上司以了解背景，不過近日卻有一名HR分享，曾遇過一名求職者因與前上司關係惡劣，竟要求舊同事假扮前上司，以應付資歷查核，未料該舊同事竟照稿讀，更因一個動作露餡當場「踢爆」，不過該公司仍因2個原因照聘請此名求職者。

Facebook專頁「辦公室日報」昨日（23日）刊登女讀者投稿，事主表指自己是一名HR （人力資源部職員），曾遇過一名叫Ｍarcus的求職者，因為面試表現良好，公司打算聘請他，於是循例致電給對方前公司作資歷查核（Reference Check）。

「前上司」似早有預備講稿

當事主致電給其前上司時，未料對方一接電話便已知道來電者目的，事主已感到奇怪，心想：「我都未講自己係邊個，你點知我打嚟做Reference Check...你呢個電話淨係要嚟等我Call（來電）？」不過她依然作簡單介紹，然後開始詢問有關Ｍarcus過往的工作表現。不過對方似是早有預備，娓娓道出Ｍarcus一連串的優點：

「Marcus，好勤力，好抵得諗，上司交代嘅工作會用心與及有耐性地處理，同埋佢好肯幫同事，如果同事需要幫忙，Marcus會二話不說提供協助，而且他性格樂觀，係公司『的』開心果。」

豬隊友照稿讀書面語

事主聽後，瞬間察覺到有異，認為對方不但似事前準備好講稿「照讀」，甚至直接讀成書面語，語氣十分生硬：

「先生，第一，我聽到揭紙嘅聲，第二，讀稿無問題呀，可唔可以將佢口語化再講出嚟？咩叫『係公司的開心果』？」

2個原因照樣聘請

最後對方在收線前又再強調要聘請Marcus，令事主哭笑不得，心裡忍不住揶揄該「前上司」十分稱職，「快啲出去攞飯盒啦！」儘管該求職者似乎有意出蠱惑，但她仍因為2個原因聘請，其一Marcus的面試表現確實不錯，其二能找人「捱義氣」假裝是前上司為他讀稿，即證明Marcus人緣不錯：

「以我Face To Face（面對面）面試的經驗，個人認為Marcus其實唔差嘅...信人把口，不如信我對眼同感覺。」

結果Marcus入職後表視相當不俗，與同事相處融洽，這也證明事主眼光獨到。她又憶述一次與Marcus閒聊時談及此事，對方則坦白解釋，因為他與真正的前上司關係不好，所以讓舊同事假扮，對於有這位「豬隊友」，仍能獲得工作機會，亦感到十分感恩。

最後，事主以HR的身份苦口婆心提醒一眾網民應慎選「隊友」幫忙：

「有啲（公司）真係好重視個Reference Check...希望各位求職者搵救兵都搵個醒目嘅幫手，隨時累死你，到時有Offer（錄取）變冇Offer，你都唔知鬧唔鬧個Friend（朋友）好。」

網民提醒：風險自負

帖文引起網民熱議，不少人認為事主踢爆求職者「請槍」仍然給予工作機會，實在善良，亦有不少網民笑指該名求職者的舊同事是名副其實的「豬隊友」，「明知要幫手做槍手，好心咪咁攪笑啦」：

（↓點擊放大睇圖片↓）

文章獲《辦公室日報》授權轉載

上班族｜懶得逐張數將影印機當數紙機 秘書列印50張白紙遭解僱，詳情即睇：【下一頁】

每朝索取《晴報》：精明生活．健康家庭．開心娛樂

撰文：林幸琦

=====================

晴報MeWe 登場！https://mewe.com/p/skypost

健康男女MeWe 登場！ https://mewe.com/p/healthylifeexpress