Bob為做DJ棄6成人工月入8千 事業有成買名錶贈父母感恩供養

藝人林盛斌（Bob）日前出演網上直播節目《FactChat》，談到對子女的期望，與家人的相處方式、態度，還有事業有成的經歷。他表示自己與太太黃乙頤（Pearl）都更重視子女的品德操守，而非學業成績，「我從來唔會因為仔女嘅考試、測驗唔合格而鬧佢哋，但如果冇責任心我就會話佢哋，因為責任感要由小培養。成績差唔緊要，人有禮貌最重要。」

護妻宣言︳Bob林盛斌心痛太太遭網絡欺凌 「搞我笑我冇問題 咪搞我屋企人」【下一頁】

{{hket:inline-image name="4554_600.jpg"}}{{/hket:inline-image}}

Bob提起次女在學校發生的一事，讓其感到欣慰，「之前2家姐學校發生欺凌事件，老師同我講我個女冇參與欺凌，仲將呢件事話畀大家姐聽，再由大家姐話畀老師知。」Bob感恩女兒一直很聽話，品行端正。

主持人問起Bob要如何兼顧事業和家庭，Bob回答︰「有人覺得工作同家庭係對立，做得多嘢就會少咗時間陪屋企人；陪屋企人多就少咗時間做嘢，我就覺得唔係咁。做人要識得管理好時間，做嘢時全心全意，但到family day時就一定唔可以提任何公事。」Bob提到太太Pearl與他想法相同，更自製了一個「No Phone on the Table」的牌子放在飯枱，提醒大家一起吃飯時不能用手機，「食飯時大家會傾偈，咩都傾一餐。」

（↓點擊放大睇圖片↓）

之後Bob提到當年大學畢業後，投身電台營業部做銷售工作，月薪高達50,000元。不過他為挑戰自己，轉行做電台DJ，銳減近6成人工，只有8,000元。Bob並不後悔自己的選擇，一直相信吸引力法則的他，從第一天做銷售工作時已經把上司的卡片貼上自己名字，再把卡片貼於當眼位置，激勵自己很快會到達其「高度」。Bob說︰「我做DJ嗰時都係咁，我將Director嘅卡片貼咗自己個名，全公司同事都見到，朱明銳（前新城電台台長）見到仲話：『做咩呀，咁快想坐我個位？』」之後朱明銳沒有責備他之餘，更為他打氣。

Bob選擇做電台DJ時有問過父母的意見，父母一直都尊重他的決定，所以他曾對父母承諾︰「我好快會由月薪8千，變成月薪8萬。」之後當Bob月入8萬時，他即時買了一對名錶送給父母：「我讀大學嗰時，應該係我屋企環境最差嘅時候，當時父母為咗供我讀大學，將自己嘅手錶當咗。所以我一有錢，就決定買番對手錶畀佢哋，哄佢哋開心。」Bob轉行後雖由低做起，不過越做越好，憑出色口才為人熟悉，頻頻接jobs，風生水起。現時一家六口豪住3千萬獨立屋，果然沒有做錯決定！

（↓點擊放大睇圖片↓）

Bob撰長文拒吸負能量圖文不符 Po新相讚老婆幾靚背後原因勁衰【下一頁】