用Zoom上堂 | 家長質疑教網課得閒促全面復課 老師用心備課嘆︰ 聽到白𢭃人工好難過

全港學校仍未全面復課，不少家長大呻上網課令孩子更心散，甚至會遷怒於老師等。日前一名老師在網上討論區發文，指經常聽到家長埋怨老師「上網課好得閒」、「唔使改功課」、「白𢭃人工」等指控。對此，她認為對於真心為學生付出的老師而言，此等言論是令人非常痛心及難過。

一名在Band2中學任教中一、中四及中六主科的老師前日（16日）在網上討論區「親子王國」發帖，她表示自己也是兩孩之母，明白家長希望孩子儘快復課之心，惟不少家長只顧埋怨，甚至批評老師的努力。對此，她希望透過帖文一一平反。

指控一︰老師好得閒

有家長質疑老師「好得閒」，事主以自己任教的中學為例，中四及中五級學生每日回校上學，而中一至中三級就輪流回校上課。而她每日的工作流程，先是由早上8時至1時進行實體課及用Zoom上網課，下午再為高年級學生補課及開會。其實，網課準備時間比實體課還多，她直言這一切都是心機、時間︰

「教咗咁多年，我合埋眼都背到課本內容。但上網課，為咗令學生更有興趣同專注，我哋要諗好多活動，舉例整個『Kahoot』（遊戲式網上問答系統），玩15分鐘，但準備功夫隨時一兩個鐘，仲要將好多教材電子化，等學生睇得更容易。」

指控二︰老師唔使改功課

事主續指，學生每日都需要在「Google Classroom」平台交功課，由以前實體功課變成網上版，批改時間會花多一倍，

「啲學生又scan（掃描）得衰，有時好濛，有時cut（刪走）咁啲字，我比收到實體功課用多起碼一倍時間批改。以前學生唔明我可以留佢喺度教，而家隔山打牛，我甚至就住批改的作文，每份拍片畀意見再send（傳送）番畀學生，呢啲唔係時間心機？」

指控三︰老師不願意做檢測

對於有家長批評老師不願意做檢驗，才會令學校未能全面復課，事主指出，以她了解身邊所有同事都願意檢測，惟學校從來沒有問過老師意願，更沒安排老師去做檢驗，

「我不可以代表全香港幾萬個老師！我只係講我唔介意檢測，亦希望大家明白，唔係所有老師都拒絕檢測的。」

她解釋，假若一間有24班的中學，除了大約60名老師，還有書記、工友等100名職員，只要有一個人不願意做檢測，最後都無法全面復課，認為教育局將責任推給學校處理，未有明確指引。她又表示：

「有人立心不良，想分化老師同家長，成日開口埋口話老師歎，白𢭃人工，對於真心為學生付出的老師，聽到真係非常難過。」

網民表示會支持老師

不少身為家長的網民留言，表示明白老師的壓力，又希望各方都可以多多體諒︰

（↓點擊圖片放大↓）  

 每朝索取《晴報》：精明生活．健康家庭．開心娛樂

撰文︰潘迦晴