家賊難防｜港女月繳三分一糧作家用 常被媽媽偷錢打麻雀 攤牌後反被罵不孝

俗語有云「日防夜防，家賊難防」，相信如果被家人偷錢的話，定必倍感傷心。一名港女日前在網上訴苦，指自己雖然每月將三分之一人工上繳作為家用，但仍經常被媽媽直接開銀包偷錢用來打麻雀。她為此向媽媽攤牌，卻反被對方用言語傷害，令她委屈至淚灑當場。因此，她就事件向網民求問：「覺得好委屈，我應該點解決？」

該名港女近日在「香港討論區」以「我阿媽偷我錢 話佢仲鬧我不孝」為題，指其銀包內的鈔票經常不翼而飛，後來發現原來是被媽媽偷走，

「之前銀包都係咁一兩百一兩百唔見咗，我都無理，當畀啲錢佢買吓餸打吓牌。但近排越嚟越過分， 嗰頭撳完500蚊放入銀包，第二朝就可以唔見咗。」

至日前，事主忍無可忍下決定向媽媽攤牌，詢問對方「係咪喺我銀包拎錢」，對方即黑面回答「冇啊、冇啊」。事主經追問下，反被媽媽發脾氣大罵，

「話嗰少少錢都要同佢計住晒，又話細個養我用幾多錢，不斷講……」

為了解媽媽為何偷錢，事主遂詢問對方是否身體不適，並著對方需要錢的話可以直接講，「之後佢就話我咒佢死，佢只係拎啲錢去同師奶打牌。」對於媽媽的行為及態度，事主應到十分委屈，

「其實我覺得你開口問我拎，或者傾，我都會畀， 但係你咁樣趁我唔知拎錢，就算屋唔屋企人呢個行為都係當偷，仲要惡人先告狀鬧返我轉頭。我當下忍唔住入房喊咗，覺得好委屈，我應該點解決？」

此事引來網民熱議，不少人認為事主媽媽的行為有問題，十分傷害子女；同時，又認為事主要好好與媽媽溝通，了解清楚對方是否有經濟困難或是有賭癮問題：

（↓點擊圖片放大↓）

媽媽遺失新買內褲質疑有家賊，16歲女遭責打離家出走輕生，詳情即睇：【下一頁】

每朝索取《晴報》：精明生活．健康家庭．開心娛樂

責任編輯：李凱晴