食用安全｜石斑堆滿蔥花撥開少忽肉 酒樓食客險食「二手魚」轟離譜

外出用膳切忌大意，否則隨時誤食人家「二手飯」！有網民日前往酒家用膳，清蒸石斑上菜時魚身已被大堆蔥花覆蓋，而事主撥開蔥花一看，卻發現魚身「少忽肉」，事主隨後向經理投訴，他指對方起初拒絕更換僅稱「計平啲畀你」，令事主哭笑不得。

石斑遭可疑蔥花堆覆蓋 食客撥開驚見「少忽肉」

一名網民日前於Facebook群組「中伏飲食報料區」發文，分享外出用膳「中伏」經歷。事主指日前往灣仔區一酒家食晚飯，點了一條清蒸海虎班。至侍應上菜，事主見近魚尾部位被大堆蔥花覆蓋已心知不妙，撥開蔥花果然揭發「內有乾坤」，

「成忽肉唔見咗咁離譜嘅！」

經理建議「計平啲」 食客揚言不再光顧

據事主上載相片可見，上菜時魚身上已有大堆蔥花。事主聲言當時已向經理投訴，惟對方僅回應指「計平啲畀你」，令同樣從事飲食業的事主甚為不滿，

「唔係錢嘅問題，一係轉第二樣，一係整過條，唔使減錢喇！」

事主又上載單據指該餐飯全單共$574，坦言從未試過外出用膳時遇上類似情況，坦言$600一餐可以有更好選擇，稱「冇下次」不再光顧。

責任編輯：鄭禮賢