劉丹爆劉愷威為女兒日日愛回家 因一個原因暫時未敢接種疫苗

77歲資深演員劉丹平日忙於拍攝處境劇《愛回家之開心速遞》，應付一星期播足七集的次數，不過近日有消息指，由於曾志偉加盟TVB擔任高層，將在4月大力發展多元化的綜藝節目，屆時《愛回家》變成星期一至六播出 ; 而星期日將會推出改頭換面的招牌的音樂節目《勁歌金曲》，以取代《流行經典50年》。

《愛回家》派3D眼鏡預告有立體根叔睇？ 監製林建祥：「希望大家有集體回憶」【下一頁】

{{hket:inline-image name="5ff882ea86515_1610121962.jpg"}}{{/hket:inline-image}}

自從去年初開始，《愛回家》由一星期播五集變七集，主要演員幾乎要日日開工拍攝，追趕進度。暫時未知「七變六」傳聞真假，網上《愛回家》粉絲們已經議論紛紛。有網友認為一周播五集最好，有人笑指TVB周末幾乎零節目，只能靠《愛回家》陪食飯，擔心改動後連電視都不用開。

劉丹昨日獲邀拍攝健康產品廣告，他表示曾患痛風，「以前笑人冬天拍古裝仲可以滿頭大汗，但原來人哋係有痛風。點知我有日腳痛，以為係扭親，一睇西醫佢就話係痛風，打針就冇事。（咁你有冇飲少啲酒？）有嘅，一邊飲酒一邊灌水，後尾覺得何苦呢？所以直情飲少咗，而家冇事嘞！」指太太及兒子劉愷威都十分緊張他身體狀況，原來劉愷威農曆年期間返港後，一直留在香港，劉丹說：「之前佢喺內地做咗幾個月嘢，推咗啲工作唔做住，而家好好休息吓先。（可以多啲見到自己個女小糯米？）粒孫見到佢不知幾開心，好黐佢，之前佢兩父女冇見5個月！」

(點擊圖片放大)

《愛回家》樹根同食屎陳師奶重口味玩曖昧 阮浩棕有感演「翻版劉丹」意義深遠【下一頁】

近日政府引入兩款新冠肺炎疫苗，長者可以優先接種，劉丹坦言有留言新聞，「本身都諗住打，但知道打疫苗要前後要有足夠休息，我要工作冇咁嘅時間，最近又有咁多事，問清楚家庭醫生先。有啲專家話長者要打，國內有啲人又話60歲以上唔好打住，究竟係咩意思呢？我都唔明白，而且出咁多事……最緊要都係多啲休息，唔夠休息打邊隻都有問題，希望大家身體健康！」

(點擊圖片放大)

責任編輯：楊安莉