家庭巨變｜父親外遇母不願離婚 欲搬走租屋暫避由女兒交租 在學港女嘆人生計劃被打亂

家庭環境遭逢巨變，無論對父母和子女來說都未必可輕易接受。一名港女透露母親早前發現父親有外遇後，無法接受卻又不願離婚，選擇與子女搬走租屋逃避，並計劃待事主畢業後由她撐起頭家，令她大呻人生規劃被打亂，未畢業已有養家壓力亦令她感困擾。

一名女網民近日在網上討論區「Dcard」以「唔知道點樣可以揹起屋企嘅重擔」為題發文，表示父親去年被揭發外遇後，卻表明不會離開「小三」，儘管母親無法接受「三人行」，但因放不下40多年感情，未有即時與丈夫離婚，

「佢（母親）諗住同我同阿哥搬出去住，因為唔想見到我老竇每晚夜返就係因為去陪個『小三』。」

憂大學畢業後無力交租

然而，事主指哥哥本身不喜歡讀書，中學畢業後未有升讀大學，目前正在做兼職，但薪水不多；事主則5年後大學畢業才投身社會，形容自己的學科「將來唔會冇工返」，起薪點亦高，惟她仍擔心日後跟哥哥和母親搬出去後，未能負擔昂貴租金，

「更何況我媽咪自己都係返緊Part-time（兼職），佢又有類風濕關節炎，發作嘅時候隻手會又腫又痛，做家務都難，更何況返工，所以我真係擔心我哋3個會養唔掂自己。」

婚後置業｜外父外母支付首期助「上車」，要求落女兒名女婿獨力供樓，詳情即睇：【下一頁】

父母離異打亂人生規劃

事主續稱，自己原本的人生目標是結婚買樓跟未來另一半同住，如今父母離異，他日如要承擔跟母親同住的租金，便更難達成買樓心願，「本來買樓已經難，而家佢哋有咁嘅Plan（計劃）就真係難上加難」。

她憶起早前無意中聽到母親向他人提及將來的住屋計劃，媽媽當時指「等妹妹（事主）畢業之後靠佢份人工租屋住」，令她承受極大壓力：

  「我原本計劃一畢業就儲錢，儲到一段時間睇吓買唔買到樓，但係而家咁樣我所有計劃都變晒。我知道我有責任幫手承擔屋企嘅嘢，但係同時我都想有我自己嘅人生。」

憂婚後與母同住失私人空間

她又指，母親因為怕孤獨，曾表示將來要跟事主和未來女婿同住，令她更感困擾，坦言希望擁有私人空間，不願意一輩子「黐住屋企人」，

「我知道咁諗可能有啲自私，但唔通我成世都要同屋企人一齊住？終有一日我同阿哥都要結婚、儲錢買樓；如果一直租屋，我諗呢一世都冇機會買到樓，有時覺得我嘅人生好似完全畀上一輩影響咗咁。」

有網民看到帖文後，認為事主毋須為了家人而委屈自己，著她應多為自己著想：

↓ 點 擊 圖 片 放 大 ↓

另有網民認為，事主應多跟母親溝通，了解對方確實想法：

↓ 點 擊 圖 片 放 大 ↓

血濃於水？│為母治病交家用欠債10多萬，媽媽擁2層樓拒幫忙港男嘆心寒，詳情即睇：【下一頁】

每朝索取《晴報》：精明生活．健康家庭．開心娛樂

撰文：蘇麗儀