借錢畀首期？｜落訂買樓結婚揭男友炒股輸首期 港女欲借錢照上車：好鍾意個單位

買樓「上車」可謂是不少人的「畢生志願」，但若然遇到以下情況，大家又會如何是好？一名港女日前在網上訴苦，指與拍拖8年的男友一同辛苦儲錢，準備買樓結婚；但在支付訂金後，男友才坦承自己借「孖展」（向證券行借錢買股票）炒股蝕錢。由於即將支付首期，事主因而感到徬徨，「計埋自己啲私己錢唔夠畀，點算好？」

該名港女上周五（5日）在香港討論區「男朋友輸咗錢 唔夠錢畀首期」為題，指自己與男友辛辛苦苦儲了一筆錢，準備用來買樓結婚；未料男友日前向她坦承自己「信錯朋友」，「用咗我哋啲儲備炒孖展輸咗一筆錢。」

對此，事主感到十分憤怒，表示與男友拍拖8年，十分信任對方，亦想不到對方會作出此舉，

「一齊咁多年，所有嘢都好夾……點解可以咁對我？上星期先落完訂，好快要畀首期，計埋自己啲私己錢唔夠畀，點算好？」

由於即將要支付首期，而且又不欲放棄「上車」機會，但男方家人又無法幫手支付，因此她考慮向外借錢應付，

「我好鍾意嗰個單位，有小小海景睇，好想上到車呀……睇緊借幾十個（萬）畀首期，唉。」

網民：切勿借錢強行「上車」

此事引來網民熱議，不少人認為事主男友誠信有問題，而且有賭博心態，建議事主考慮清楚才結婚，有人甚至認為她應要選擇分手；不過，亦有人認為事主應給予男友改過機會，與對方共度難關。此外，亦有網民勸籲事主切勿借錢強行「上車」，「撻訂」並重新儲錢方為上策：

（↓點擊圖片放大↓） 

為母治病交家用欠債10多萬，媽媽擁2層樓拒幫忙港男嘆心寒，詳情即睇：【下一頁】

每朝索取《晴報》：精明生活．健康家庭．開心娛樂

責任編輯：李凱晴

========================

晴報MeWe 登場！https://mewe.com/p/skypost

健康男女MeWe 登場！ https://mewe.com/p/healthylifeexpress