親子關係｜控制狂媽媽屢擅自拆信摷袋女兒不滿無私隱：到底有乜咁好奇

父母與子女關係再親蜜，也應該互相尊重私隱。近日一位女生在網上訴苦，指媽媽屢次擅自拆開其銀行信件，又會三不五時翻摷其隨身手袋，令她大感全無私隱，不禁抱怨道：「佢問乜嘢我都有答佢呀，到底有乜嘢咁好奇呢？」

該名女生在「香港討論區」表示，自己已踏出社會工作2、3年，惟媽媽仍然會擅自打開她的信件，包括銀行信、信用卡信甚至公司信件。事主曾多次向媽媽明言，不准再擅自拆信或偷看信件，但媽媽依舊照拆：

「（媽媽）次次都同我講『做乜嘢碌咁多咭呀』、『銀行咁多錢，做乜嘢唔畀多啲家用』之類。」

媽媽私自翻摷手袋物品

除此之外，事主又控訴媽媽會趁她不為意時翻摷手袋，為了避免與媽媽衝突，她只好袋不離身，以暗示自己的防備心，欲令媽媽自知不能亂動其手袋。然而，假日與媽媽外出用膳期間，事主因一時大意放下手袋，未料回到座位又見媽媽正在翻摷，令她大感困擾：

「我又唔係冇同佢分享，佢問乜嘢我都有答佢呀，到底有乜嘢咁好奇呢？」

網民：家人之間有私隱，要互相信任

事主的遭遇引起網民討論，紛紛表示即使是再親密的家人，也應該要互相專重對方的私隱；亦有網民建議事主可以轉用電子月結單，避免媽媽拆信查看財政狀況的問題：

(點擊圖片放大)

控制狂父母｜19歲兒租屋父母裝鏡頭監控 24小時直播全屋睡覺不准關，詳情即睇：【下一頁】

每朝索取《晴報》：精明生活．健康家庭．開心娛樂 

撰文：林幸琦