小儀與13型男丨鄧健泓大男人介意石詠莉被睇蝕 廁所偷泣因為家姐爭贏埋單？

由阮小儀主持的香港開電視節目《小儀與13型男》，逢星期六晚上11時於77台香港開電視播映，節目中安排不同類型的型男跟小儀約會。今集（6日）就邀請「大男人型」 鄧健泓擔任小儀約會對象，期間雖然小儀表示不覺得對方「大男人」，笑言在自己眼中金剛才是「大男人」，但鄧健泓卻自認非常「大男人」，他說：「我對住另一半嘅時候，相信自己係Head住對方，我會為捍衛自己一啲堅持、原則及底線，發揮最大男人的氣慨。」

{{hket:inline-image name="0a18b2d9bd63c12017a8a9ced9827466.jpg"}}{{/hket:inline-image}}

自命「大男人」的鄧健泓，在節目中不時提及太太石詠莉，他自爆初相識太太第一晚，太太已為他按摩，他說：「佢係美容師，相識第一晚同我手部按摩，適逢夜晚又浪漫，感覺好舒服，一舒服就舒服咗八年。」而鄧健泓還大讚太太性格溫馴：「我有好多朋友都話，佢（太太）好似過往（歷任）女朋友的優點集於一身。」

{{hket:inline-image name="fe5a317612d4284d634905391247c79b.jpg"}}{{/hket:inline-image}}

抗拒太太打扮性感

石詠莉在2007年以女子組合Freeze身分出道，Freeze出道時走性感火辣路線，而且更被外界形容為「整容三嬌」。不過石詠莉近年已收起性感，專注做獨立音樂。問鄧健泓會否介意身邊另一半打扮性感？他毫不猶豫表示：「非常介意。試過有個節目想佢（太太）着性感晚裝，但之前已經講好咗我哋唔做呢啲嘢、衫要睇過晒先去着，點知佢哋嗰邊冇畀我哋睇，到現場畀咗幾件Deep V晚裝佢（太太），於是我話Sorry，我哋唔會着性感嘢，之後同個導演溝通完之後，大家都明白，最終唔使着性感嘢。」

（↓點擊圖片放大↓） 

此外，鄧健泓自言「大男人」性格，令他在每次家庭聚會主要負責「食飯埋單」角色。不過有次家姐「埋單」，竟令他感動到喊，受訪期間他雙眼通紅表示：「以往家庭聚會都係我畀，呢個習慣嚟，不過有次同大家姐食飯，佢去埋單，佢話『唔使喇，等我嚟，你都畀咗好多年！』我呆咗，唔識反應，然後自己入咗入廁所喊，其實我都好想有人錫。」