方健儀細個唔買玩具買補充練習 太靜被老師以為自閉 初戀全靠朋友

方健儀近日接受香港電台節目《守下留情》訪問，原來她跟主持劉偉恒的婆婆以前同樣是新田圍的街坊，大家傾到該屋邨的茶樓和遊樂設施時，充滿回憶。劉偉恒指當年經常去平台和商場的玩具店睇模型，沒想到方健儀說：「我唔買呢啲呀，我係好乖嘅小朋友，媽媽畀零用錢我，我都唔會買玩具，走去買補充練習同買書，係咪好恐怖呢？就算去酒樓飲茶，我都會拎埋本書去睇，我而家諗番都想像唔到，但我真係視讀書為興趣。」

【與老公勁恩愛】前主播方健儀po片賀結婚十周年 10‧10‧10大日子點解都要追新聞？【下一頁】

{{hket:inline-image name="153762419_4036159073068956_4988340687877775634_o.jpg"}}{{/hket:inline-image}}

{{hket:inline-image name="800_4d4b2a0f9f2f3a87a0a9e0304f315b0e.jpg"}}{{/hket:inline-image}}

方健儀笑指雖然現時當上司儀和主持後，經常都口若懸河、滔滔不絕，但小時候的她非常文靜不愛說話。她說：「小學三年班時家長日見家長，班主任同我媽媽講：『我懷疑你個女有自閉症，佢上堂唔講嘢，同學仔同佢講嘢都唔出聲呀！』我畀老師嘅印象竟然係我唔講說話，永遠操行一欄入面都係寫沉靜受教，一定有個靜字。」最終她都不負所望，會考考文科有三科得到A，合共27分，後來高考亦有三科A。

由於兩老管教嚴厲，方健儀曾經因學鋼琴令測驗成績由90分下跌至70分，媽媽即時取消學琴，要她好好專心學業，她說：「當年唔識得反抗，幾十年後望番轉頭，唔明點解當時咁服從阿媽。」她笑言媽媽指樓下便利店好多「飛仔」，所以很少出街，活動的範圍都只限於沙田區。問到有沒有遇過「飛仔」？方健儀笑言：「大家見我外貌好成熟，一早已經成熟定，中一已經似中五咁樣，早已經唔係『飛仔』嘅口味，『飛仔』唔會鍾意姐姐呀嘛！我嘅起步已經唔係小妹妹，所以被人撩呢啲回憶係空白。」

方健儀代移民港人派發6000口罩 爆策畫過程困難重重與時間競賽【下一頁】

雖然性格好「摺」，不過方健儀靠好朋友都成功譜出初戀荳芽夢，她說：「我好封閉，鍾意邊個男仔都唔敢同朋友講，由細到大都好小心，直至我同一位由小學識到中學嘅一個同學仔暗示自己暗戀對象，點知咁啱佢話個男仔對我都有意思，咁就一齊咗。初戀係我隔籬班同學，可能係緣份安排，中四開始做風紀，咁啱就被安排同呢個男仔守埋同一班，一齊行孖咇，呢個男仔仲唔係我嘅？最終都成事，不過一年之後就會考，我原校升中六，男仔去第二間學校升讀，感情就無疾而終。」

方健儀跟丈夫結婚10年多，她在節目中的點播歌曲環節，特別選上《愛很簡單》這首歌送給擔任新聞攝影工程師的丈夫，她說：「呢首係我同我先生嘅主題曲，亦係我哋結婚時播嘅進場歌，印證我哋嘅相處之道，就係簡簡單單，唔使花巧、唔使送禮。我都覺得佢好可愛，笑到對眼變一條線咁。」讀書成績好，找到不錯的工作，在很多人眼中的方健儀是非常幸運的一人，她說：「好多人覺得我轉換跑道發展得唔錯，但其實我都有一段時間捱過，當時有幾個月冇工作，我就會回頭諗，放棄咗『鐵飯碗』高級政府人員的ICAC工作，係咪做錯決定呢？我畀一年時間自己去試，幸好這一行靠口碑，我把握到一啲機會，總算捱過最逆境嘅時間。」

責任編輯：楊安莉