Testing Menu丨蕭正楠廚藝了得達「米芝蓮」級數 黃翠如地獄廚神唐詩詠拒絕再試

蕭正楠一連十集主持myTV SUPER自家製節目《Testing Menu》，與多位星級大廚齊齊研究菜式。首集佢同米芝蓮法國大廚Nicolas Boutin，以茄子炮製出色香味俱全的高級菜式。

{{hket:inline-image name="155582395_1137764263302875_8233472378241834667_n.jpg"}}{{/hket:inline-image}}

蕭正楠提議以酥皮茄子伴煙熏鱔，本身廚藝了得嘅蕭正楠，喺大廚指導下更為得心應手。問到煮法國菜的精髓，Nicolas Boutin表示：「我烹調的哲學是簡潔明確，兩三種材料、一至兩種質感、好的調味和火候就可以了。」首次挑戰法國菜，蕭正楠表示從未諗過可以用茄子做出如此有層次嘅菜式，而Nicolas Boutin似乎對蕭正楠十分欣賞，仲提議他辭去現有工作，加入佢嘅米芝蓮餐廳，阿蕭睇嚟唔拍戲都可以做廚呀。

（↓點擊放大睇圖片↓）

不過蕭正楠太太黃翠如就正正相反，可以話係廚房剋星！唐詩詠即將出發去內地拍攝無綫新劇《白色強人II》，並需要於當地隔離21日。日前翠如就下廚為佢餞行，詩詠上載二人合照並留言：「我嘅朋友好好，知我去隔離，話要煮啲好嘢畀我食，原來佢係想我早啲感受一下隔離嘅日子。#似漿糊嘅腸粉、#有啲特別、#有啲誠意」。腸粉賣相一般，相信味道都唔多好！因為今日翠如喺IG post出佢嘅畫作，引來連詩雅留言：「你太多才能啦！可以加埋煮飯嗎？」詩詠即刻「耍手擰頭」：「唔好呀，帶佢出去食啦！」睇嚟「漿糊腸粉」帶畀佢好大陰影。

不過個個唔欣賞都冇所謂，蕭正楠呷醋留言：「起碼她煮給你吃」，睇嚟翠如下廚係非常難得，下次都係煮畀會欣賞佢嘅老公食啦！

=====================

晴報MeWe 登場！https://mewe.com/p/skypost

健康男女MeWe 登場！ https://mewe.com/p/healthylifeexpress