與24味做訪問│方力申曾只顧游水冇溝女認蠢 爆奧運選手村派避孕套之謎

方力申現身組合廿四味的YouTube節目《24/7 TALK》做嘉賓，因廿四味做節目時粗口橫飛，成員Brian一開咪就爆料：「首先要多謝小方上嚟，因為我請佢時，小方話『Brian我唔講粗口喎！』我話唔使你講，我講就得嘞！」雖然小方不講粗口，但心中竟有好聽之分：「我同Brian因為演藝人協會工作而認識，平時見佢開會唔會好似做節目咁Free講咁多粗口，而我發覺Brian講粗口係我認識咁多人中，講得最好聽嘅一個，之前我覺得蘇永康講得最好聽。」小方本想「入鄉隨俗」在節目中爆下粗，但助手提醒他因教小朋友游水，怕小朋友有樣學樣，所以他都不敢亂來。

{{hket:inline-image name="14.jpg"}}{{/hket:inline-image}}

方力申獲廿四味成員Brian（右一）邀請上他們在YouTube開設的節目。(圖片：網上截圖）

講到小方當年是香港游泳代表隊，兼畢業於香港大學，小方即教大家入大學的秘技：「我靠游水『游入去』，所以我都鼓勵人，讀唔到書咪努力做運動囉，我係用運動員獎學金計劃入大學，就算讀中學時都係一樣，學校同我屋企人講，只要Say Yes就可以嚟讀，去到娛樂圈都係『游入去』，因為游水我先有人識，令到經理人公司搵我。」

{{hket:inline-image name="13.jpg"}}{{/hket:inline-image}}

方力申年少時候全副精神都用來專注游水比賽上。(圖片：方力申IG）

方力申Dry爆6年冇拍拖 小儀推介交友App小方咁樣答... 【下一頁】

2000年20歲的小方以香港運動員身分出戰悉尼奧運，在200米背泳及400米個人混合泳創出香港記錄，至今仍未有人打破。小方說:「去奧運就好似揸法拉利，十幾歲諗揸車係想揸法拉利，做運動員最高舞台就係奧運，既然去得都想有交代，加上性格係遇強越強，鍾意同人鬥。」講到當年住選手村，小方聽過不少坊間傳言：「成日話派幾多十萬個安全套，但我一個都見唔到，冇派過畀我。另外，我覺得有一個係『呃蝦條』嘅，話如果女運動之前一晚做嗰件事，會幫助到比賽時嘅表現，唔知真假，我就覺得係假嘞。」

（↓點擊放大睇圖片↓）

小方自爆人生最蠢事，「我最蠢就係⋯⋯16歲到廿幾歲時，有7、8年係冇拍拖，因為太專注游水，對所有異性冇任何遐想，係最錯嘅事。（正常好多女仔埋身?）而家睇番係嘥咗，但其實我呢幾年都冇拍拖啦，人係咁啦。（外傳你溝女好犀利？）呢個又係錯啦，成日啲人都咁講，從來都冇咁嘅事，我懷疑啲人攞我過橋，諗下我之前段感情都十年喎，前度都話我係好男仔。」

剛過去的元宵佳節亦是小方踏入41歲的大日子，他在IＧ上載多張生日蛋糕相，並分享男人40+1的感受，說幾年前快將40歲，覺得老了，開始不想再慶祝，但當疫情下兩年沒有慶祝生日，令他更珍惜和一班好朋友相聚機會：「原來聚在一起，飲下，食下，玩下，嘈下，開心下，其實都可以好奢侈的。」小方的生日願望，希望快點疫情過去可以回復正常生活。而今年生日適逢是正月十五元宵節，雖然小方仍是單身，但小方亦祝大家「開心甜蜜，溫馨幸福」。

（↓點擊圖片放大↓）

撰文：衛紫敏

《家多咗個PET》︳領養犬小Q驚到失禁唔敢出街 訓練員冇符 網民質疑：咁就放棄？【下一頁】