一致正評|鄧兆尊被網民推舉為「最討喜二世祖」 優點多到數唔盡：好尊敬佢

日前有網民喺討論區以「想知大家對鄧兆尊既 (嘅) 評價係點 ？」為題開post，網民反應非常熱烈，討論咗足足15頁，而當中嘅評價大部分都好正面，成為咗大家心目「最討喜」二世祖。

{{hket:inline-image name="9d8857f00f1fafcf220b770bc452dc52.jpg"}}{{/hket:inline-image}}

當中有網民只係透過熒光幕認識佢，但就覺得佢冇有錢人嘅架子，亦冇「認屎認屁」：「二世祖來講算好，起碼唔會靠父蔭又話靠自己努力」、「唔令人反感嘅二世祖」、「敗家仔嚟講算知慳識儉」。又有網民指自己曾經同佢工作都大讚：「做嘢合作過，人品幾好，無咩架子。」有網民更加直線抽擊劉鑾雄長子劉鳴煒，拎兆尊同曾經發出離地言論嘅佢作比較：「佢算有自知之明，二世祖做番二世祖，安守本份，唔踩過界對窮人指指點點，大家舒服。好過有啲二世祖，成日出嚟扮代表做人生導師，教年青人去少幾次日本就買到樓，又扮創意企業家搞海洋公園，年年蝕錢不斷伸手問政府泵水。」

（↓點擊放大睇圖片↓）

鄧兆尊係已故粵劇名伶新馬師曾與洪金梅之長子，係新馬師曾唯一一個有加入娛圈嘅仔女。新馬師曾1997年離世後，留下逾4.2億元遺產，祥嫂與子女因爭產打官司，關係一度非常惡劣，但後來祥嫂對子女與財產看法改變，更指鄧家子女同洪家親人全部可以得到佢嘅遺產。而祥嫂前年7月去世，估計約有15億身家，傳兆尊會分得最多。

兆尊常喺趣劇中模仿其他名人或飾演被欺負嘅角色（但也擅長演反派），於獎門人系列中經常有突出的表現，而因為其父親新馬師曾被稱為慈善伶王，所以鄧兆尊也被戲稱為慈善羚羊，不過兆尊就未有表示介意，反而表現大方同待人有禮。

除咗佢嘅身家，兆尊嘅感情生活都一直係大家嘅關注重點，奉行不婚主義嘅佢同時有三個女友，經常霸氣一拖三出街，雖然外界有時會笑佢3位女友都係豬扒，但佢都會大方回應，又撐女友跟佢嘅時候都好索係大家唔知，真正係風流而不下流呀，網民都畀個服佢兼且話對佢好尊敬：「雖然係『扒房達人』，但現代社會公然有2-3頭家，無咩邊個做到。」而同樣風流嘅已故名人林建名同樣得到網民大讚佢係一個「稱職」二世祖。