居住問題｜女友要求大鑽戒買新樓結婚 港男用盡積蓄向母借錢上車 嘆往後只剩供樓無生活

香港樓價高企，不少年輕人難以買樓「上車」、成家立室。一名港男日前向同事訴苦，指已談婚論嫁的女友要求他買大鑽戒及買新樓作婚後居所，他最終只好花盡積蓄及向母親借錢買樓「上車」。對此，他慨嘆道：「真係將會自成一角，往後嘅日子就只有為供樓而工作。」

一名網民周日（21日）在網上討論區「親子王國」以「同事買咗樓但係話冇晒生活？」為題發帖，指同事與父親同住公屋，一向收入穩定、沒有經濟壓力，「使錢可以好鬆動，每月都可儲吓錢」。同事現已與女友談婚論嫁，由於希望男方表現誠意，同事女友遂要求男友買大鑽戒訂婚，

「同事覺得冇問題吖，畀個誠意與承諾都係恰當，有啲同事睇過隻鑽戒嘅相，話有1卡以上，大家都讚佢好疼錫女友。」

網民續指，至於婚後居所方面，由於同事覺得女友所住的普通舊私樓與公屋沒太大分別，「覺得女友都唔會嫌住屋環境有咩太大差距」，因此一心打算婚後讓對方遷入同住公屋單位，

「同事話佢阿媽一早已唔喺間公屋度住，得佢老竇，所以佢女友搬入去係冇婆媳關係。」

然而，同事的女友未知男友心中計劃，提出買樓作婚後居所，「佢唔敢反對，只係聽從女友，想對方開心，然後開始留意啲新樓盤（女方鍾情新盤），可以應付到首期嘅選擇其實唔太多。」最終同事用盡積蓄及向母親借錢，買下位置較為偏遠的屯門新樓，

「當大家為佢成為業主而興奮時，佢向住我哋苦笑（話）真係將會自成一角，往後嘅日子就只有為供樓而工作，食個午餐都要度住度住，而佢到呢刻都唔敢向女友訴出心聲！」

此事引來網民熱議，不少人認為同事的女友並非貪慕虛榮，而是希望男方有誠意及長進，又指沒有女士會希望婚後與夫家，與如陌生男人般的老爺同住；有人又慨嘆現今社會男士的壓力很大，另一半應加以體諒。不少網民又認為該名同事應量力而為，與女友好好溝通：

（↓點擊圖片放大↓）

每朝索取《晴報》：精明生活．健康家庭．開心娛樂

責任編輯：李凱晴