自家私房菜 | 自製入口即溶梅菜滷肉飯 廚師1招令五花腩軟腍入味

不少人愛吃「醬汁撈飯」，YouTuber「職人吹水」星星師傅日前分享自製梅菜滷肉飯，教大家辟走五花腩的羶肉味，以及1招令肉身變得軟腍入味。

梅菜滷肉飯

材料︰新鮮五花腩 250克 、梅菜 100克、乾蔥、蒜蓉、甜麵鼓

（↓點擊圖片放大↓）  

做法︰

1. 用半茶匙的鹽將梅菜浸水約30分鐘，洗至完全乾淨；
2. 用室溫水浸五花腩約30分鐘，洗約3至4次；
3. 乾蔥切片備用；
4. 用1茶匙白醋加入五花腩內，用凍水煮5分鐘汆水，再用凍水沖洗；
5. 將梅菜及五花腩切粒備用，
6. 燒熱鑊，將梅菜略炒至乾身；
7. 熱鑊落油，爆香乾蔥絲，加入五花腩同炒，然後加入甜麵鼓及紹興酒調味；
8. 倒熱水剛好蓋過配料，加兩茶匙糖、一湯匙蠔油落鑊混和一下，用細火上冚蓋炆30分鐘； 
9. 最後加入1茶匙老抽，焗30分鐘，配搭白飯即可食用。

五花腩浸水辟羶

星星師傅表示，未處理的五花腩有羶味，他提醒要浸水約30分鐘，然後反覆多次沖洗就能辟羶，而以上做法亦可保留豬肉的鮮味。

1招肉身軟腍入味

想令肉身軟腍入味，星星師傅指烹調時要冚蓋炆30分鐘，而最佳食用時間是最少擺放一晚，翌日翻熱味道會更佳。

{{hket:youtube id="J3XEX0TvCn4"}}{{/hket:youtube}}

影片獲「職人吹水」授權轉載

每朝索取《晴報》：精明生活．健康家庭．開心娛樂
 

撰文︰潘迦晴