馮盈盈擺脫「性女」形象化身廚娘 講嘢生硬被批造作︰有偶像包袱

疫情期間唔少藝人另闢新路，馮盈盈都唔例外，早喺一個月前佢為自己開設個人YouTube Channel，大曬素顏教大家護膚秘訣，兼大露玉背浸浴吸粉。第一條片畫面就咁爆，好多人都翹首以待，期望有更多爆點出現！事隔一個月，盈盈終於推出第二條片。片中佢化身廚娘，教大家整沙律，但views數似乎麻麻，相比第一條片喺21小時就有1萬點擊率，呢條片點擊率一日都只得1千幾，網友似乎唔太收貨。

開Youtube Channel︳馮盈盈素顏超高清大頭出鏡 瞓身出浴博「訂閱」教美顏瘦身【下一頁】

{{hket:inline-image name="578.jpg"}}{{/hket:inline-image}}

（↓點擊放大睇圖片↓）

馮盈盈今次開設煮食系列「FYY Cooking」，第一集教大家製作有美容功效嘅地中海鷹嘴豆沙律，盈盈備料時有條有理，睇嚟平時都成日落廚。雖然呢條片得到唔少網友畀心心，表示支持，但似乎得到更多嘅負評。

雖然馮盈盈喺片中畀足笑容，但講嘢一板一眼，似足背稿，引嚟唔少網友指佢喺片入面太正經，仲話佢好造作，「好有偶像包袱feel」、「建議講嘢可以自然啲，呢到係YouTube呀！」、「太過正經同斯文，瘋狂少少先係馮盈盈」、「講嘢速度同平時做節目差好遠」等。對比盈盈第一條片大獲好評，網友讚影片內容豐富、有趣，今次認真失色唔少！

（↓點擊放大睇圖片↓）

馮盈盈最後問大家「之後仲想睇我煮啲咩？」，有不少網民喺留言區「抽水」話︰「搵埋Leonard（鄭衍峰）煮大隻佬餐」。鄭衍峰一直被傳喺盈盈嘅緋聞男友，有報道指女方於前年年底與醫生男友鍾文浩分手後，暗撻鄭衍峰，但兩人一直冇公開承認戀情，甚至爆出分手傳聞後，雙方都一直強調只係對方同事兼朋友。如果仲係朋友，鄭衍峰會唔會應要求上盈盈嘅YouTube Channel作客呢？

{{hket:inline-image name="123.jpeg"}}{{/hket:inline-image}}

馮盈盈疑棄大隻鄭衍峰另結新歡 與西裝男撐枱腳豪歎米芝蓮餐廳【下一頁】