新春團拜︱許志安足不出戶玩視像拜年 身形Fit爆為新正頭喪食做定運動

許志安、劉浩龍今早（18日）率領「太陽娛樂文化」一眾師弟、師妹：陳漢娜、蘇皓兒、馬志威、楊柳青、鄭嘉欣、灰熊、KB、Chris Collins等，出席新春團拜，期間灰熊與KB更親自上陣舞獅助興，氣氛熱鬧！

{{hket:inline-image name="2.JPG"}}{{/hket:inline-image}}

眼見許志安身形fit爆，原來他過年前已努力做足收身準備，安仔說：「知道新年一定有好多嘢食，例如盆菜、蘿蔔糕，所以過年前已Keep fit做運動，留定quota畀自己，直到噚日，我覺得要跑番步，唔可以再食喇！」坦言因疫情關係未有出外拜年，只透過視像跟親友拜年。提到牛年大計，他希望可作多方面嘗試，尤其是作曲，「新一年想試吓拍劇、作曲，自己唱咗咁多年歌，但寫歌就唔多，最近鍾意喺練電子琴嘅時候作曲。」

陳漢娜望電影業復甦

至於幾位女將陳漢娜、蘇皓兒、楊柳青及鄭嘉欣，也因疫情影響較少外出拜年，異口同聲笑言利是收入大減！其中陳漢娜謂新年間在「期間快閃店」擺賣二手衫，反應理想，「今次經驗很好，但礙於冇資金，所以都無計劃做老闆。」問到牛年展望時，陳漢娜希望電影行業可以重回正軌，以及自己主演的電影《遺愛》可以儘快放映。

（↓點擊圖片放大↓）

馬志威贏人氣派利是

去年憑劇集《三十而已》在大陸人氣急升的馬志威，透露今年會派「開心價」利是，至於牛年會主力內地影視及綜藝發展。因疫情影響，劉浩龍原定一月到泰國拍攝的電影要延至六月才開拍，現階段會作多元化發展，繼續跟Eric Kwok（郭偉亮）與谷德昭打理YouTube頻道，他說：「呢個頻道反應不錯，其實都好滿足，可以喺呢個時候帶快樂畀觀眾。」