無綫變天｜曾志偉取替何哲圖發展音樂業務 余詠珊被「削權」:權力冇乜意義

早前曾志偉回歸無綫並成為高層，綜藝科掌舵人余詠珊的動向頓成焦點。今日無綫集團行政總裁李寶安正式宣布，余詠珊要全力協助推動公司業務發展，正式被調離綜藝科，職銜改為助理總經理 (業務發展) 。

{{hket:inline-image name="f6a2e39e8f19c345832d1a394f06d284.jpg"}}{{/hket:inline-image}}

而余詠珊丈夫、身為星夢娛樂行政總裁的何哲圖，由於要發展個人事業，故在本月底正式離任，由曾志偉接手並發展音樂業務。據知，李寶安鑒於無綫長遠的業務發展，包括大力推動多元化串流媒體、電子商貿平台、把握大灣區及國際新媒體市場的發展機遇，故作出以上人事調動。同時，為了讓曾志偉能在綜藝科有更大的發揮及推動力，全面掌管綜藝、音樂節目及製作，故調配余詠珊集中火力推動公司業務，令兩者更能一展所長，令公司發展蒸蒸日上。

無綫今日發出內部通告如下：

各位同事：

上月董事局主席許濤先生宣布公司長遠目標，需要不斷創新求變、提升節目的投入和品質，達到業務多元發展。在製作管理、內容創作和業務發展方面會有以下新安排，即日生效：

1. 杜之克先生之職銜改為副總經理 (戲劇製作及節目)

2. 曾志偉先生之職銜改為副總經理 (綜藝、音樂製作及節目)

3. 余詠珊小姐之職銜改為助理總經理 (業務發展) ，全力協助我推動業務發展，不再負責綜藝節目

何哲圖先生將於2月28日離任，發展個人音樂事業。從即日起，公司的音樂業務由曾志偉先生負責。我祝願Herman在音樂領域再創高峰，並感謝他多年來在公司所作出的貢獻。

集團行政總裁李寶安

2021年2月18日

余詠珊剛才被記者追問調職及老公何哲圖離職一事，余詠珊先講老公離職原因是計劃了一段時間，「佢自己揀出去。（因為志偉回歸兼支持星夢？）唔係，佢考慮咗兩、三個月。（志偉返嚟外界會有啲揣測？）佢唔係，其實過去佢喺TVB做咗成四百隻劇嘅歌，處理TVB好多音樂行政上嘅嘢，佢都覺得好攰，同埋佢覺得係時機，出去做一個自己嘅Label。」

至於對於自己被調職一事，余詠珊稱近年有啲分身不暇，相信志偉可以帶無綫綜藝節目行得更前，「喺big big shop、big big channel上面，有少少忽略咗自己本業，而喺劇集發展度，有啲兼顧唔到，身邊同事都好辛苦，幫我做好多新媒體有關嘅事，而志偉返嚟可以喺傳統媒體上面做得更多，放更多精力喺上面做好佢，佢Pick Up成個綜藝同劇嘅部門，去認真發展，我就可以花多啲時間喺新媒體，睇吓有乜新嘢可以行。」

對於被指遭「削權」，余詠珊指唔會有呢個想法，指近年工作量太大，令佢有感「撐唔住」，又話唔係為權力而做，「呢幾年我好攰，權力對我係冇乜嘢意義，有權就必有義務，工作量好大，有少少唔知點撐落去，而家有好好嘅人返嚟，又可以幫手重新再行過，對公司係好事。」她更直言：「『權』嘅後面好大責任，過去幾年覺得自己一個人孭好多嘢，而家唔使孭，心情係輕鬆嘅。」

（↓點擊圖片放大↓）

問到近年綜藝節目被批評同佢嘅調職係咪有關，余詠珊就指疫情下好多嘢都無可奈何，「過去因疫情令綜藝節目行唔到係真，拍又拍唔到，只喺廠做，要做嘅都做咗。」佢稱本計劃好DoDo姐（鄭裕玲）和阿姐（汪明荃）都有新綜藝節目，現會交由志偉決定係咪繼續做。

曾志偉回覆時表示都係剛收到公司通知，希望何哲圖喺外邊會有自己更佳嘅發展，而今次走馬上任，巳正積極物色適合人才打造更多元化嘅音樂節目，並希望以音樂打破以往嘅界限同框架，還原香港音樂。至於余詠珊調職，曾志偉同樣希望佢於新崗位上能夠勝任，工作愉快！

圖片來源：東星娛樂