曾國猷被「翻版超雲」前妻嫌樣衰 數落夫家入門全因老爺係曾志偉

40歲曾國猷早年挾父親曾志偉之名嘗試喺娛樂圈發展，可惜星運平平，之後又捲入開公司「走數200萬」事件，當時急忙對外聲稱自己早已離職，欠債與他無關。雖然事業發展唔理想，不過2012年就娶到索妻張可蕙（Renee），當日唔少娛圈中人都有到場祝賀。事隔8年，近日爆出二人早已離婚。

{{hket:inline-image name="6b56bf197c6922aeeec760781231a902saasftp20200221.jpg"}}{{/hket:inline-image}}

當日第一次娶新抱嘅曾志偉全程笑到見牙唔見眼，而大婚之日亦都係孫女嘅百日誕辰，志偉負責整個婚禮嘅開支，包括百萬禮金同筵開三十幾席宴請賓客，並豪擲7位元數字為在場每位女親友送上一粒鑽石；而曾國祥則與其他兄弟姐妹聯手請一對新人海外度蜜月。

曾國猷一家三口表面上過著住幸福生活，豈料結婚第2年已經「家醜外傳」，有「分享症」嘅佢哋仲不時喺網上互數，曾國猷曾經咁呻：「Come home not even care how i do just complaint all the time and say I'm on X and ugly and shixx.（返到屋企完全唔關心我，剩係識得投訴同話我on X、樣衰）」Renee亦指責曾國猷經常外出，不照顧妻女，對夫家諸多抱怨，表示︰「如果唔係因為佢老竇，我都唔知做乜嘢會嫁畀條死肥柴受苦。如果佢唔係姓曾有大屋住有工人用我早就走咗。」

（↓點擊圖片放大↓）

當時哥哥曾國祥有幫忙「拆彈」，表示已與兩位當事人溝通，解釋稱他們的社交網遭黑客入侵，而志偉亦出面說好話謂︰「兩公婆梗會鬧交，佢哋要發洩都冇辦法，我對細路係保持開放態度。」事件告一段落，至去年8月，志偉第二任太太朱錫珍因癌症離世，全程竟未見Renee，只得曾國猷獨自拖著女兒現身。據知當時2人已分開，但當事人冇正面回應婚變傳聞。事隔半年，女方於情人節喺社交平台公開與新歡面貼面嘅恩愛合照，公開新戀情！

曾國祥受訪時直認弟弟已離婚多時，「佢哋已經分開一段時間，大家關係良好，亦希望佢哋搵到自己嘅幸福同快樂。多謝關心。」而志偉對於細仔曾國猷離婚，就話從不會過問佢哋之間嘅感情事，雖然二人巳分開，仍希望佢哋各自搵到幸福！