傷害14億人感情｜Angelababy「不過西方情人節」 反被轟唔用中文名不倫不類

𡃁模始祖Angelababy（楊穎）當年由香港紅到去日本，喺上海出世嘅佢近年「認祖歸宗」主力喺內地生活兼掘金。Baby一向都好識做，不時都會更新佢嘅微博，Post自己靚相同粉絲互動。不過日前佢喺微博話自己係南方人，「不過西方情人節」就觸動咗內地「悲情詩人」、自稱係「第7代導演」劉信達嘅神經。

{{hket:inline-image name="001N98C6gy1gnn7e4mi24j61sc2dse8202.jpg"}}{{/hket:inline-image}}

Angelababy孤零零過情人節，留言：「聽說今天是西方人的節日，還好我是南方人。祝大家初三快樂！」Baby呢篇帖文一出，網民即刻追問佢同老公黃曉明到底係咪已經離婚，不過最搞笑嘅都係佢呢番言論引起劉信達狙擊。

劉信達經常在微博開火炮轟藝人，日前佢就Angelababy呢則帖文狙擊，鬧爆佢作為一個中國人，但一直用英文名喺內地搵食，「她為甚麼還在用洋名？她明明是中國人，是上海人，卻一直用著洋名，不知内情的人，還以為她是西方人呢，是洋人呢。她既然知道反感西方人的洋節，劉信達希望，她也能知道反感自己的洋名，用回自己的中文名。」

（↓點擊圖片放大↓）

劉信達提醒Baby，「西方人對應的是東方人，而不是南方人，不要無知者無畏，不要無聊當有趣！」有內地嘅網民都撐劉信達，話Angelababy傷害咗14億中國人感情，「把漢奸藝人楊某押到劉大師面前，任由處置」、「崇洋媚外，必須封殺」。更加話Baby唔好好反省嘅話就應該引退，真係分唔到佢哋係「假膠」定係「玻璃心」呀！

都有人撐Angelababy嘅，指佢呢個只係藝名，根本就唔關係佢愛國與否。其實Baby爺爺係德國漢堡人，爸爸係中德混血（德國猶太裔），而母親就係上海人，好彩有心水清網民留言：「人家baby是中徳混血。」

圖片來源：微博